07:29 pm
وہ بلوچ خاتون جس نے صوبے کی عورتوں کو تحصیلدار اور نائب تحصیلدار بننے کا حق دلوایا

وہ بلوچ خاتون جس نے صوبے کی عورتوں کو تحصیلدار اور نائب تحصیلدار بننے کا حق دلوایا

07:29 pm


کوئٹہ (نیوز ڈیسک )بلوچستان میں خواتین کو طویل عرصے سے تحصیلدار اور نائب تحصیلدار
کے عہدوں کے لیے درخواست دینے کا اہل نہیں سمجھا جاتا تھا، پھر ایک خاتون نے اس امتیازی سلوک کو چیلنج کیا۔ پاکستان کے صوبہ بلوچستان میں ایک خاتون کی کاوشوں کے باعث صوبے میں خواتین کے تحصیلدار اور نائب تحصیلدار بننے کی راہ میں رکاوٹ دور ہو گئی ہے۔ بلوچستان میں خواتین کو طویل عرصے سے تحصیلدار اور نائب تحصیلدار کے عہدوں کے لیے درخواست دینے کا اہل نہیں سمجھا جاتا تھا، پھر ایک خاتون نے اس امتیازی سلوک کو چیلنج کیا اور ان کی کاوشوں سے اب ہائی کورٹ نے ان عہدوں کے لیے دیے اشتہار کو امتیازی قرار دیتے ہوئے حکام کو نئے اشتہار دینے کی ہدایت کی ہے جس میں تمام امیدواروں کو صنفی امتیاز کے بغیر امیدواروں کو انتخاب لڑنے کی اجازت دی گئی ہے۔ یہ خاتون کوئٹہ سے تعلق رکھنے والی وکیل نرگس سمالانی ہیں جنھوں نے دوران تعلیم شادی ہو جانے کے باوجود نہ صرف اعلیٰ تعلیم حاصل کی بلکہ اپنے شوہر کے ساتھ مل کر ایل ایل بی کے علاوہ وکالت بھی شروع کی۔ وہ کہتی ہیں کہ 'تحصیلداروں اور نائب تحصیلداروں کی آسامیوں کے لیے خواتین کو اہل قرار دیا جانا بلوچستان میں خواتین کے لیے ایک بڑی کامیابی ہے کیونکہ اس سے انتظامی آسامیوں پر خواتین کی تعداد میں اضافہ ہوتا جائے گا'۔ بی بی سی بات کرتے ہوئے نرگس سمالانی کا کہنا تھا کہ یہ بات ان کے لیے باعث حیرت تھی کہ بلوچستان میں تحصیلداروں اور نائب تحصیلداروں کی آسامیوں کے لیے صرف مرد امیدوار اہل تھے لیکن دیگر صوبوں میں ایسی کوئی پابندی نہیں تھی۔ آئیے جانتے ہیں کہ نرگس سمالانی ایڈووکیٹ نے ایسا کیا، کیا کہ بلوچستان کی تاریخ میں پہلی مرتبہ تحصیلدار اور نائب تحصیلدروں کی آسامیوں کے لیے خواتین کو اہل قرار دیا گیا ہے۔ نرگس سمالانی نے بتایا کہ وہ ایک روز اپنے دفتر میں بیٹھی تھیں تو ان کی نظر اخبار میں ایک اشتہار پر پڑی جو کہ بلوچستان پبلک سروس کمیشن کی جانب سے تحصیلداروں اور نائب تحصیلداروں کی آسامیوں کے لیے دیا گیا تھا۔ انھوں نے بتایا کہ جب انھوں نے اس اشتہار میں یہ دیکھا کہ صرف مرد امیدوار ان کے لیے اہل ہیں تو ان کہ حیرانگی کی انتہا نہیں رہی۔ 'میں نے سوچا کہ خواتین جب اسسٹنٹ کمشنر، ڈپٹی کمشنر اور سیکریٹریز بن سکتی ہیں تو پھر تحصیلدار اور نائب تحصیلدار میں ایسی کونسی بات ہے کہ وہ اس کے لیے اہل نہیں ہوسکتی ہیں'۔ ان کا کہنا تھا کہ یہ تو صریحاً جنسی امتیاز کی بنیاد پر ایک شرط تھی جس کی آئین اور قانون میں کوئی گنجائش نہیں ہے ۔ ان کا کہنا تھا کہ میں تو تحصیلدار اور نائب تحصیلدار کی آسامیوں کے لیے امیدوار نہیں بننا چاہتی ہوں بلکہ وکالت کے پیشے کو ہی جاری رکھوں گی لیکن میں یہ چاہتی تھی کہ بلوچستان میں خواتین بھی تحصیلدار اور نائب تحصیلدار کی آسامیوں کے لیے اہل ہوں۔ نرگس نے اس امتیازی شرط کو ختم کرانے کے لیے کیا کیا؟ نرگس کا کہنا تھا کہ انھوں نے سب سے پہلے تمام صوبوں میں تحصیلداروں اور نائب تحصیلداروں کی آسامیوں کے لیے اہلیت کا موازنہ کرنے کے لیے تحقیق کی۔ انھوں نے بتایا کہ اس حوالے سے مختلف کیس اسٹڈیز کے علاوہ دوسرے صوبوں کے قواعد وضوابط کا بھی جائزہ لیا گیا۔ ان کا کہنا تھا کہ یہ بات ان کے سامنے آئی کہ سندھ ،پنجاب اور خیبرپختونخوا میں خواتین کے لیے تحصیلدار اور نائب تحصیلدار کی آسامیوں کے لیے درخواست دینے پر نہ صرف کوئی پابندی نہیں بلکہ پنجاب تو ایک قدم آگے ہے کیونکہ وہاں توٹرانسجینڈرز بھی اگر تحصیلدار اور نائب تحصیلدار بننا چاہیں تو وہ بھی ان کے لیے درخواست دے سکتے ہیں۔ نرگس کا کہنا تھا کہ' سب سے بڑا سوال یہ ہے کہ خیبرپختونخوا جہاں طالبان کے اثرات زیادہ ہیں وہاں خواتین ان آسامیوں کے لیے اہل ہیں تو پھر وہ بلوچستان میں کیوں اہل نہیں ہو سکتی ہیں'۔ ان کا کہنا تھا کہ چونکہ یہ آسامیاں بورڈ آف ریونیو کی ہیں اس لیے انھوں نے سینیئر ممبر بورڈ آف ریونیو کو ایک درخواست دیتے ہوئے یہ موقف اختیار کیا کہ صرف مرد امیدواروں کو اہل قرار دینے کی امتیازی شرط کو ختم کرکے ان آسامیوں کو دوبارہ مشتہر کرایا جائے۔ نرگس کا کہنا تھا کہ ان کی اس درخواست پر بورڈ آف ریونیونے اس امتیازی شرط کوختم کرنے کے لیے اقدام نہیں کیا لیکن انھوں نے ہمت نہیں ہاری۔ انھوں نے بتایا کہ چونکہ خواتین کو اہل نہ قرار دیا جانا ایک امتیازی شرط ہے جس کی آئین اور قانون میں کوئی گنجائش نہیں اس لیے انھوں نے اس کے خلاف آئین کے شق 199کے تحت بلوچستان ہائیکورٹ میں ایک آئینی درخواست دائر کی۔ ان کا کہنا تھا کہ اس آئینی درخواست میں یہ استدعا کی گئی کہ کہ ایسے قواعد و ضوابط جو کہ خواتین کو تحصیلدار اور نائب تحصیلدار کی آسامیوں کے لیے نا اہل قرار دیں، کو غیر آئینی اور غیرقانونی قرار دیا جائے ۔ درخواست میں یہ بھی استدعا کی گئی تھی کہ متعلقہ حکام کو یہ ہدایت کی جائے کہ وہ ان آسامیوں پر خواتین کے لیے کوٹہ مختص کریں اور خواتین کو اس بات کی بھی اجازت دی جائے کہ وہ مقابلے کے امتحان میں حصہ لیں۔ انھوں نے بتایا کہ عدالت سے یہ بھی درخواست کی گئی کہ سینیئر ممبر بورڈ آف ریونیو کو یہ ہدایت کی جا ئے کہ وہ ان آسامیوں کو دوبارہ مشتہر کرے اور خواتین سمیت تمام خواہشمند امیدواروں سے درخواستیں طلب کی جائیں۔ ہائیکورٹ نے نرگس سمالانی ایڈووکیٹ کی درخواست پر کیا حکم دیا ؟ بلوچستان ہائیکورٹ کے جج جسٹس ہاشم خان کاکڑ اور جسٹس گل حسن خان ترین پر مشتمل بینچنے اس آئینی درخواست کی سماعت کے بعد فیصلہ سناتے ہوئے ریمارکس دیے کہ ایسی شرط جس کے تحت صرف مرد امیدواروں کو اہل قرار دیا گیا ہو اور خواتین کو روک دیا گیا ہو غیر آئینی اور غیر قانونی ہے۔ عدالت نے یہ حکم دیا کہ متعلقہ حکام خواتین امیدواروں کے لیے پانچ فیصد کوٹہ مقرر کریں اور مخصوص کوٹے کے علاوہ خواتین امیدوار اوپن میرٹ کی نشستوں پر بھی حصہ لینے کے لیے اہل ہوں گی۔ ہائیکورٹ کے ڈویژن بینچنے کہا کہ خواتین کے لیے مختص آسامیوں کے لیے اگر اہل خواتین امیدوار دستیاب نہ ہوں توان کو مستقبل میں خواتین سے ہی پر کیا جائے۔ عدالت نے تحصیلداروں اور نائب تحصیلداروں کی آسامیوں کودوبارہ مشتہر کرنے کا حکم دیتے ہوئے کہا کہ بلاامتیاز تمام دلچسپی رکھنے والے امیدواروں سے درخواستیں طلب کی جائیں۔ ہائیکورٹ کے بینچ نے موجودہ قوانین میں پائے جانے والے ہر قسم کے امتیازات کو ختم کرنے کے لیے حکومت کو حکم دیا کہ وہ خواتین کی حیثیت سے متعلق کمیشن کے دفتر کو مستحکم کرنے کے لیے فوری اقدامات اٹھائے۔ ’ہائیکورٹ کا فیصلہ بلوچستان میں خواتین کے لیے بڑی کامیابی ہے‘ نرگس سمالانی ایڈووکیٹ کا کہنا ہے کہ بلاشبہ ہائیکورٹ کا یہ فیصلہ بلوچستان میں خواتین کے لیے ایک بڑی کامیابی ہے۔ ان کا کہنا تھا کہ جہاں اس فیصلے سے خواتین کے خلاف امتیازی قوانین کے خاتمے میں مدد ملے گی وہاں اب بلوچستان میں جو بھی انتظامی آسامی ہیں ان پر خواتین کی تعداد بڑھتی جائے گی۔ تاہم ان کا کہنا تھا کہ جب تک خواتین کی حیثیت سے متعلق بلوچستان میں کمیشن نہیں بنتا اور پرانے رولز اور ریگولیشن کو تبدیل نہیں کیا جاتا تو اس وقت تک خواتین کے لیے رکاوٹیں رہیں گی۔ نرگس نے بتایا کہ 1996سے پاکستان جنسی امتیازکے خاتمے کے لیے انٹرنیشنل کنوینشن پر دستخط کنندہ ہے اور اس کنوینشن کے تحت باقی صوبوں میں خواتین کی حیثیت پر کمیشن تو بن گیا ہے لیکن بلوچستان میں یہ قائم نہیں کیا گیا۔ ان کا کہنا تھا کہ 'اگر یہ کمیشن قائم ہوتا تو وہ کمیشن خود امتیازی قوانین کو ختم کر سکتا تھا اور مجھے ہائیکورٹ میں اس آئینی درخواست کو دائر کرنے کی ضرورت نہیں پڑتی'۔ نرگس سمالانی ایڈووکیٹ کا تعلق بلوچستان کے دارالحکومت کوئٹہ سے ہے۔ وہ شادی شدہ ہیں اور سنہ 2009 میں شادی کے وقت وہ سکول کی طالبہ تھی۔ پاکستان میں شادی کے بعد اکثر خواتین تعلیم کا سلسلہ ترک کر دیتی ہیں لیکن شادی نرگس ایڈووکیٹ کی تعلیم اور پھر اعلیٰ تعلیم کی راہ میں رکاوٹ نہیں بنی۔ انھوں نے بتایا کہ انھوں نے ایف ایس سی اور بی ایس سی کرنے کے بعد یونیورسٹی آف بلوچستان سے کیمسٹری میں ایم ایس سی کی ڈگری حاصل کی۔ انھوں نے ایم ایس سی کرنے کے بعد بھی تعلیم کا سلسلہ ترک نہیں کیا بلکہ یونیورسٹی آف بلوچستان سے ہی بی ایڈ اور ایم ایڈ کی ڈگریاں بھی حاصل کیں۔ اتنی ساری ڈگریوں کے بعد انھوں نے شوہر کے ساتھ ایل ایل بی کرنے کا فیصلہ کیا اور دونوں نے نہ صرف ایل ایل بی کی ڈگری حاصل کی بلکہ پریکٹس بھی شروع کی اور اب وہ ایک معروف وکیل ہیں۔

تازہ ترین خبریں

عمران خان اور پرویز الہیٰ کی جدائی کا وقت ۔۔۔بہت بڑی پیشگوئی کر دی گئی 

عمران خان اور پرویز الہیٰ کی جدائی کا وقت ۔۔۔بہت بڑی پیشگوئی کر دی گئی 

کسی کےدُکھ کو اپنا دُکھ سمجھ لینا انسانیت ہے۔ دوسروں کی مدد دراصل اپنی مدد ہو تی ہے۔۔۔پاکستانی اداکارہ ریشم کا مداحوں کو پیغام 

کسی کےدُکھ کو اپنا دُکھ سمجھ لینا انسانیت ہے۔ دوسروں کی مدد دراصل اپنی مدد ہو تی ہے۔۔۔پاکستانی اداکارہ ریشم کا مداحوں کو پیغام 

نئے آرمی چیف پر تنقید روکیں۔۔۔!!!صدر علوی نے عمران خان کو تنبیہہ کیساتھ ساتھ آنیوالے حالات سے خبردار بھی کر دیا 

نئے آرمی چیف پر تنقید روکیں۔۔۔!!!صدر علوی نے عمران خان کو تنبیہہ کیساتھ ساتھ آنیوالے حالات سے خبردار بھی کر دیا 

عدالت نے اعظم سواتی کیخلاف مزید مقدمات درج نہ کرنےکا حکم دے دیا۔۔۔اہم خبر

عدالت نے اعظم سواتی کیخلاف مزید مقدمات درج نہ کرنےکا حکم دے دیا۔۔۔اہم خبر

سپریم کورٹ۔۔۔ ارشد شریف کی میڈیکل رپورٹ غیر تسلی بخش قرار، عدالت نےبڑا حکم دے دیا 

سپریم کورٹ۔۔۔ ارشد شریف کی میڈیکل رپورٹ غیر تسلی بخش قرار، عدالت نےبڑا حکم دے دیا 

کھلاڑی تھوڑی جان مارتے تو  انگلینڈکیخلاف ٹیسٹ جیتا جا سکتا تھا ۔۔۔ پی سی بی چیئرمین رمیز راجہ کا بیان بھی سامنے آ گیا 

کھلاڑی تھوڑی جان مارتے تو  انگلینڈکیخلاف ٹیسٹ جیتا جا سکتا تھا ۔۔۔ پی سی بی چیئرمین رمیز راجہ کا بیان بھی سامنے آ گیا 

پاکستان کے بڑے شہر میں کوڑے سے بجلی پیدا کرنے پر کام شروع کردیا گیا ۔۔۔نئی ملازمتیں بھی پیدا ہو گئیں

پاکستان کے بڑے شہر میں کوڑے سے بجلی پیدا کرنے پر کام شروع کردیا گیا ۔۔۔نئی ملازمتیں بھی پیدا ہو گئیں

ر قومی کرکٹ ٹیم کے سابق کپتان شعیب ملک اوربھارتی ٹینس اسٹار ثانیہ مرزا کا شو کب نشر کیا جائیگا؟ با قاعدہ اعلان کر دیا گیا 

ر قومی کرکٹ ٹیم کے سابق کپتان شعیب ملک اوربھارتی ٹینس اسٹار ثانیہ مرزا کا شو کب نشر کیا جائیگا؟ با قاعدہ اعلان کر دیا گیا 

خارجہ تعلقات نااہل عمران خان کی وجہ سےتبا ہ ہوئے ۔۔۔  وفاقی وزیر اطلاعات مریم اورنگزیب کا عمران خان پر الزام 

خارجہ تعلقات نااہل عمران خان کی وجہ سےتبا ہ ہوئے ۔۔۔  وفاقی وزیر اطلاعات مریم اورنگزیب کا عمران خان پر الزام 

معروف اداکارہ کینسر کے باعث چل بسیں ۔۔۔بچوں نے والدہ کی موت کی خبر سوشل میڈیا پر شیئر کر دی 

معروف اداکارہ کینسر کے باعث چل بسیں ۔۔۔بچوں نے والدہ کی موت کی خبر سوشل میڈیا پر شیئر کر دی 

تحریک انصاف کے سیکرٹری جنرل اسد عمرنے انتخابات  کےحوالے سے اپنی رائے دے دی ۔۔۔بیان پر سب چونک گئے 

تحریک انصاف کے سیکرٹری جنرل اسد عمرنے انتخابات  کےحوالے سے اپنی رائے دے دی ۔۔۔بیان پر سب چونک گئے 

پاکستان کو ترسیلات میں 7.3 فیصد تک کمی ہوسکتی ہے۔۔۔ورلڈ بینک کی رپورٹ سامنے آ گئی 

پاکستان کو ترسیلات میں 7.3 فیصد تک کمی ہوسکتی ہے۔۔۔ورلڈ بینک کی رپورٹ سامنے آ گئی 

سپریم کورٹ نے الیکشن کمیشن کو عمران خان ،اسد عمر اور فوادچودھری کیخلاف بڑی کارروائی کی اجازت دیدی

سپریم کورٹ نے الیکشن کمیشن کو عمران خان ،اسد عمر اور فوادچودھری کیخلاف بڑی کارروائی کی اجازت دیدی

قوم کی جیبوں پر دن دیہاڑےڈاکا ۔۔۔ 1100 ارب روپے کے کرپشن کیسز کو معافی و استثنیٰ دیا جارہا ہے ۔۔۔چیئرمین پی ٹی آئی عمران خان برس پڑے

قوم کی جیبوں پر دن دیہاڑےڈاکا ۔۔۔ 1100 ارب روپے کے کرپشن کیسز کو معافی و استثنیٰ دیا جارہا ہے ۔۔۔چیئرمین پی ٹی آئی عمران خان برس پڑے