ہے کہ پنجاب اور خیبر پختو نخوا اسمبلیاں شوق سے تحلیل کریں لیکن وفاقی حکومت اپنی مدت پوری کرے گی۔حمزہ شہباز کی قیادت میں پارلیمارٹی پارٹی کا اجلاس آج طلب کیا ہے جس میں پنجاب کی سیاست پر مشاورت ہو گی۔ میڈیا رپورٹس کے مطابق انسداد دہشت گردی عدالت کے باہر میڈیا سے گفتگو کرتے ہوئے عطاء تارڑ نے کہا کہ راولپنڈی ہماری حکومت ختم کرنے گئے اور پنی حکومت کے خاتمے کا اعلان کرکے واپس آ گئے۔ خیبر پختو نخوا اسمبلی تحلیل کرنا اتنا آسان کام نہیں،آج انکا رہنما دو دن کیلئے جیل جاتا ہے تو ہانپتا ہوا آتا ہے،آپ نے ہمارے رہنما کو دو سال کی جیل کٹوائی ہے لیکن انہوں نے چیخیں نہیں ماریں اور حوصلہ کے ساتھ آپ کا مقابلہ کیا۔عمران خان کو لاڈلہ ہونے کی عادت ہے،عمران خان کے خلاف دہشت گردی کی دفعات ہٹا دی جاتی ہیں۔ رہنما مسلم لیگ کا کہنا تھا کہ پی ٹی آئی نے رانا ثناء اللہ سے ڈر کر راولپنڈی میں جلسہ کردیا،پرویز الٰہی کے اپنے ہاتھ سے اسمبلی توڑتے وقت انکی ٹانگیں کانپیں گی،مونس الٰہی نے چار ماہ بھرپور کرپشن کی۔ پنجاب میں ایسی ناکام حکومت کبھی نہیں دیکھی،ن لیگی رہنماؤں نے جیلیں کاٹیں۔عمران خان کی مقبولیت کم ہونے کی وجہ سے انہیں سڑک پر جلسہ کرنا پڑا۔ جبکہ انسداد دہشت گردی عدالت گوجرانوالہ نے عطا تارڑ،سائرہ افضل تارڑ اور محمد بخش تارڑ کی ضمانتیں منظور کرلیں۔عدالت نے لیگی رہنماوں کو 2،2 لاکھ روپے کےمچلکے جمع کرانے کاحکم دے دیا،عدالت نے مرکزی ملزم رائے قمرزمان کی درخواست ضمانت مسترد کر دی۔ دوسری جانب تحریک انصاف نے صوبائی اسمبلیوں سے نکلنے کے لائحہ عمل طے کرنے کیلئے پارٹی کی سینئر قیادت کا اجلاس طلب کرلیا ہے۔ پی ٹی آئی رہنما فواد چوہدری کا کہنا ہے کہ تحریک انصاف کی سینئر لیڈرشپ کے اجلاس میں پنجاب اور خیبر پختونخوا اسمبلی تحلیل کرنے،سندھ اور بلوچستان اسمبلی سے مستعفی ہونے کی تاریخ پر غور کیا جائے گا۔