شخصیت سے ملاقات کے لیے اسلام آباد پہنچ گئےوزیراعلیٰ پنجاب چودھری پرویز الٰہی نےمونس الٰہی اور ایم این اے حسین الٰہی کے ہمراہ زمان پارک میں پاکستان تحریک انصاف کے چیئرمین عمران خان سے ملاقات کی۔اس موقع پر وزیر اعلیٰ پنجاب کا کہنا تھا کہ پنجاب اسمبلی کے مستقبل کے بارے میں حتمی مشاورت ہو گی،ملاقات میں اپوزیشن کے ہر غیر آئینی ہتھکنڈے کا ڈٹ کر مقابلہ کرنے کا عزم کرتے ہوئے کہا کہ پنجاب کی پارلیمانی پارٹی کا اجلاس کل طلب کیا ہے۔چودھری پرویز الٰہی کا کہنا تھا کہ عمران خان کے کہنے پر پنجاب اسمبلی تحلیل کرنے میں رتی بھر بھی تاخیر نہیں ہوگی،پنجاب اسمبلی عمران خان کی امانت ہے اور یہ امانت انہیں دے دی ہے۔ان کا کہنا تھا کہ عمران خان کے ہر فیصلے کا ساتھ دیں گے، ہم جس کے ساتھ چلتے ہیں اس کا پورا ساتھ دیتے ہیں،غلط فہمیاں پیدا کرنے والے پہلے کی طرح اب بھی ناکام رہیں گے۔عمران خان پاکستان کیلئے لازم و ملزوم ہیں، اپوزیشن عدم اعتماد کی تحریک لانے کا شوق پورا کرلے، پہلے کی طرح پھر ناکامی ہوگی،پنجاب میں اپوزیشن کو پہلے بھی مار پڑی اور آئندہ بھی مار پڑے گی۔پرویز الٰہی کا کہنا تھا کہ اپوزیشن جاگتے میں خواب دیکھ رہی ہے،یہ تحریک عدم اعتماد کا شوشہ تو چھوڑ سکتے ہیں لیکن ان کے پاس ممبر ہی پورے نہیں،پنجاب اسمبلی کا اجلاس ہورہا ہو تو گورنر راج بھی نہیں لگ سکتا۔اپوزیشن کو مخلصانہ مشورہ ہے کہ وہ بات کرنے سے قبل اسمبلی کے رولز آف بزنس کا مطالعہ کر لیا کریں۔مونس الٰہی کا کہنا تھا کہ عمران خان جو کہیں گے بلا تردد عمل کریں گے،عمران خان کے لئے جان بھی حاضر ہے،پی ڈی ایم کے ساتھ وہی ہو رہا ہے جو اس نے بویا۔ملاقات کے بعد میڈیا سے گفتگو کرتے ہوئے پرویز خٹک نے کہا کہ جو بھی فیصلہ ہوگا پرویز الہی عمران خان کی ہدایت پر عمل کریں گے، پرویز الہی سے میرا ذاتی تعلق رہا ہے، پرویز الہی کے تعلقات عمران خان سے بہتر ہیں ایسا معاملہ نہیں جیسا بتایا جا رہا ہے، ہم سب ایک پیج پر ہیں جو فیصلہ عمران خان کا ہوگا وہی سب کا ہوگا، میں چاہتا ہوں پارٹی کے اندر کوئی اختلاف نہ ہو، سب مل کر فیصلہ کریں گے۔دریں اثنا مونس الہٰی نے ٹویٹ بھی کیا جس میں کہا کہ عمران خان جب چاہیں گے اسمبلی تحلیل ہو جائے گی، عمران خان کو ملاقات میں یقین دہانی کروادی ہے کہ وزارت اعلی ان کی ملکیت ہے۔