ہارم ریڈکشن حقیقت پسندانہ پالیسیوں، ضابطوں اور اقدامات کا ایک ایسا مجموعہ ہے جومختلف نقصان دہ سرگرمیوں سے ہونے والے نقصان کو بڑی حد تک کم کرنے کیلئے متبادل حکمت عملی فراہم کرتا ہے اور کم نقصان دہ رویوں کی حوصلہ افزائی کرتا ہے۔ٹوبیکو ہارم ریڈکشن(ٹی ایچ آر) کروڑوں افراد کو ممکنہ طور پر کم نقصان دہ متبادل کے استعمال کی ترغیب دیتا ہے جو جلائے جانے والی تمباکو کی مصنوعات کااستعمال کرتے ہیں اوروہ اس عادت سے چھٹکارا پانا چاہتے ہیں لیکن کم آپشنز ہونے کی وجہ سے وہ ایسا کر نہیں پاتے۔ تمباکو نوشی کے حوالے سے متعدد انتباہی اور انسدادی مہموں کے باوجود دنیا کی آبادی کا ایک بڑا حصہ سگریٹ نوشی جاری رکھے ہوئے جو اس بات کو ظاہر کرتا ہے کہ عالمی سطح پر سگریٹ نوشی کم کرنے کی پرانی حکمت عملی اور طریقہ مفاد عامہ کے حوالے سے کافی نہیں ہے۔ ٹوبیکو ہارم ریڈکشن یا ٹی ایچ آر ان افراد کو، جو تمباکو نوشی ترک کرنے کو تیار نہیں ہیں، ایسے ممکنہ طور پر کم نقصان دہ متبادل فراہم کرنے پر زور دیتا ہے جو نکوٹین کی جلانے کے عمل کے بغیر ہی فراہمی ممکن بنا سکیں۔ جن ممالک نے ٹی ایچ آر کو باقاعدہ طور پر حکومتی سطح پر اپنایا ہے وہاں حیران کن طور پر حوصلہ افزا نتائج برآمد ہوئے ہیں۔ جاپان اس حوالے سے ایک بڑی مثال ہے جہاں صرف تین برس میں ایک بڑی تعداد نے ممکنہ طور پر کم نقصان دہ متبادل مصنوعات کے استعمال کو اپنایا ہے۔ اسکے علاوہ برطانیہ میں ٹی ایچ آر کو اپنانے سے محض آبادی کا 6 فیصد ہی جلائے جانے والی تمباکو کی مصنوعات کا استعمال کرتے ہیں۔ اس وقت برطانیہ ان یورپی ممالک میں شامل ہے جہاں تمباکو نوش افراد کی شرح سب سے کم ہے اور یہ ٹوبیکو ہارم ریڈکشن کی بدولت ممکن ہو سکا ہے۔ ماہرین اس بات پر اتفاق کرتے ہیں کہ تمباکو نوشی سے جڑے مسائل کے حل سے بہت سے معاشی اور معاشرتی فوائد حاصل کیے جاسکتے ہیں اور خوش قسمتی سے حالیہ دہائیوں میں ہونے والی جدید سائنسی تحقیق اور نئی ٹیکنالوجی کی ایجادات نے ایسے ممکنہ طور پر کم نقصان دہ متبادل سامنے لانے میں اہم کردار ادا کیا ہے جو دنیا بھر میں ان معاشی و سماجی مسائل کو کم کرنے میں بڑا اہم اور کلیدی کردار ادا کر سکتے ہیں۔