جلسہ کرنے کی اجازت کی درخواست کی تھی جسے اب منظور کرتے ہوئے نوٹی فکیشن جاری کر دیا گیا ذرائع کے مطابق ڈپٹی کمشنر لاہور نے پی ٹی آئی کو مینارِ پاکستان پر جلسہ کرنے کی مشروط اجازت دیدی ۔ ۔ڈپٹی کمشنر لاہور رافعہ حیدر کے مطابق انتظامیہ کی جانب سے پی ٹی آئی سے حلف لینے کے بعد جلسے کی مشروط اجازت دی گئی ۔نوٹیفکیشن کے مطابق اسٹیج، خواتین اور تمام انکلوژرز کی سکیورٹی کی ذمہ داری جلسے کی انتظامیہ پر ہو گی جبکہ عدلیہ اور اداروں کی خلاف تقاریر کی اجازت نہیں ہوگی۔اجازت نامے میں یہ بھی شامل ہے کہ ٹریفک کو رواں دواں رکھنے اور اس میں خلل نہ ڈالنے کیلئے پی ٹی آئی ذمہ دار انتظامیہ اور ٹریفک پولیس کیساتھ مکمل تعاون کریں گے۔ پبلک پراپرٹی کو نقصان پہنچنے کی صورت میں پی ٹی آئی کی متعلقہ انتظامیہ ذمے دار ہو گی۔ضلعی انتظامیہ نے ہدایت کی ہے کہ جلسہ گاہ اور اطراف میں کسی بھی قسم کے اسلحہ کے نمائش کی اجازت نہیں ہو گی جبکہ پی ٹی آئی کے کارکنوں اور متعلقہ افراد کو ڈنڈے یا اس جیسی کوئی بھی چیز ساتھ لانے پر پابندی ہوگی۔نوٹیفکیشن کے مطابق جلسے کیلئےکسی بھی جگہ کوئی استقبالیہ کیمپ نہیں لگائے جائیں گے اور زبردستی کسی کو جلوس میں شامل کرنے کی اجازت نہیں ہو گی۔خیال رہے کہ پی ٹی آئی کے سربراہ اور سابق وزیرِ اعظم عمران خان نے اعلان کیا تھا کہ پی ٹی آئی اتوار کو لاہور میں مینارِ پاکستان پر جلسہ کرے گی لیکن اسے اجازت نہیں مل سکی تھی۔ بعد ازاں منگل یابدھ کو جلسہ کرنے کی اجازت طلب کی گئی لیکن انتظامیہ نے ان دنوں میں بھی جلسہ کرنے کی اجازت نہیں دی۔تحریک انصاف نے 21 مارچ کو ایک بار پھر جلسے کی درخواست ڈپٹی کمشنر کو جمع کرائی تھی جس پر اب اسے جلسے کی اجازت مل گئی ہے۔