11:02 am
عدنان صدیقی کا بیٹی کی سالگرہ پر پیار بھرا پیغام، مداحوں کی بھی بیٹی کو مبارکباد

عدنان صدیقی کا بیٹی کی سالگرہ پر پیار بھرا پیغام، مداحوں کی بھی بیٹی کو مبارکباد

11:02 am

اسلام آباد (این این آئی) پاکستان شوبز انڈسٹری کے معروف اداکار عدنان صدیقی نے اپنی 12 سالہ بیٹی کی سالگرہ کے موقع پر انہیں پیار بھرا پیغام دیا ہے جس نے سب کے دل موہ لئے ہیں،گزشتہ روز عدنان صدیقی کی 12 سالہ بیٹی دانیہ کی سالگرہ تھی ،اس موقع پر انہوں نے اپنی انسٹاگرام پوسٹ پر بیٹی کے ساتھ سالگرہ کا کیک کاٹنے کی ویڈیو بھی شیئر کی۔اداکار نے ویڈیو کے کیپشن میں پیار بھرا انداز اپناتے ہوئے بیٹی کو مخاطب کرتے ہوئے لکھا کہ’ میری چھوٹی بیٹی جو کہ 12 سال کی ہوگئی ہے، جو اب مزید سمجھدار اور
 
پیاری ہوگئی ہے۔‘عدنان صدیقی نے لکھا کہ ’ میری پیاری دانیہ جانیہ میں ہر سال تمہاری سالگرہ کے موقع پر ایک نوٹ لکھتا ہوں مگر اس بار یہ نوٹ بہت خاص ہے کیونکہ جس طرح تم وقت کیساتھ ساتھ بڑی ہورہی ہو تم اتنی ہی نرم دل ہوتی جارہی ہو۔‘ انہوں نے لکھا کہ ’میں یہ سب اس لئے محسوس کر رہا ہوں کیونکہ تمہاری دادی بالکل تمہاری ہی طرح پیار اور خیال کرنے والی تھیں اور میں تمہارے اندر ان کی جھلک دیکھتا ہوں، یہ جذبات کتنے خوبصورت ہوں گے کہ مجھے تم میری ماں کی یاد دلاتی ہو جس طرح وہ مجھ سے پیار کرتی تھیں میرا خیال کرتی تھیں۔عدنان صدیقی نے کہا کہ ’مجھے سب سے اچھا یہ لگتا ہے کہ جب میں گھر آتا ہوں تو تم میرے جوتے اتارنے میں میری مدد کرتی ہو، میں تم پر فخر کرتا ہوں دانیہ، سالگرہ مبارک ہو‘۔اداکار عدنان صدیقی کے بیٹی کے لیے پیار بھرے پیغام نے سب کے دل موہ لئے اور ان کے مداحوں نے بھی ان کی صاحبزادی دانیہ کو سالگرہ کی مبارک باد دی اور نیک خواہشات کا اظہار کیا۔