11:02 am
ٹک ٹاک پر ویڈیو کیوں اپلوڈ کی ، شوہر نے بیوی کو عبرتناک سزا دیدی

ٹک ٹاک پر ویڈیو کیوں اپلوڈ کی ، شوہر نے بیوی کو عبرتناک سزا دیدی

11:02 am


اسلام آباد(مانیٹرنگ ڈیسک) ٹک ٹاک پر ویڈیو کیوں اپلوڈ کی ، شوہر نے بیوی کو عبرتناک سزا دیدی۔۔۔ شوہر نے ٹک ٹاک پر ویڈیو اپلوڈ کرنے پر بیوی کو قتل کر دیا۔تفصیلات کے مطابق بھارت میں ایک افسوسناک واقعہ پیش آیا ہے جہاں شوہر نے بیوی کو محض سوشل میڈیا ایپ پر ویڈیو اپلولڈ کرنے پر جان سے مار دیا۔پولیس کا کہنا ہے کہ سدھالا چنا نے اپنی اہلیہ گوراپتی کو گلا دبا کر قتل کیا بعدازاں ایک گاؤں میں جا کر اس کی لاش جلا دی۔
 
یہ واقعہ 17نومبر کو پیش آیا تھا تاہم پولیس دس دن تک معاملے کی تحقیق کرتی رہی۔ایک معروف نجی کمپنی میں سیلرسپرسن کی حیثیت سے کام کرنے والے اس جوڑے نے پانچ سال قبل شادی کی تھی اور ان کی دو سال کی بیٹی بھی تھی۔لڑکی کو ٹک ٹاک پر ویڈیوز بنانے کا شوق تھا تاہم یہ بات اس کے شوہر کو خاصی ناگوار گزرتی تھی۔جب کہ وہ اس پر شک بھی کرنے لگا تھا۔ لڑکی نے حال میں اپنے شوہر کا گھر چھوڑ دیا تھا اور اپنی بیٹی کو والدین کے پاس چھوڑ کر خود ایک ہاسٹل میں رہائش پذیر تھی۔ شوہر کی ناراضگی کے باوجود بھی اُس نے ٹک ٹاک پر ویڈیوز بنانے کا سلسلہ جاری رکھا۔شوہر نے بیوی کو گھر واپس آنے پر راضی کیا۔تاہم تین بعد ہی اپنے بھائی کے ساتھ مل کر بیوی کو قتل کر دیا۔دونوں نے پہلے کپڑے سے لڑکی کا گلا گھونٹا۔بعدازاں لاش کو ایک گراؤنڈ میں لے جا کر جلا دیا۔پولیس نے نامعلوم شخص کو جلانے کی شکایت پر تحقیقات کا آغاز کیا تھا۔لڑکی نے زیور بھی پہن رکھا تھا جس کی وجہ سے تفتیش کاروں کو شناخت میں مدد ملی۔مقامی پٹرول پمپ پر لگے سی سی ٹی وی فوٹیج میں انکشاف ہوا کہ 17 نومبر کی رات کو صرف ایک ہی شخص نے بوتل میں پٹرول خریدا تھا جو کہ قتل کی جانے والی لڑکی کا شوہر تھا۔پولیس نے معاملے کی تہہ تک پہنچنے کے بعد خاتون کے شوہر اور دیور کو گرفتار کر لیا۔