03:08 pm
ورلڈ ٹیسٹ چیمپئین شپ کا اعلان کر دیا گیا

ورلڈ ٹیسٹ چیمپئین شپ کا اعلان کر دیا گیا

03:08 pm

لندن (مانیٹرنگ ڈیسک) کرکٹ کی تاریخ کا سب سے بڑا اور انقلابی قدم اٹھاتے ہوئے ورلڈ ٹیسٹ چیمپئین شپ کا اعلان کر دیا گیا ہے۔ دو سال کے عرصے پر محیط اس سیریز میں مجموعی طور پر 72ٹیسٹ میچز کھیلے جائیں گے ۔ جبکہ نو ٹیموں میں سےہر ٹیم تین ملکی اور تین غیر ملکی سیریز کھیلے گی۔ ورلڈ ٹیسٹ چیمپئن شپ کا پہلا ٹیسٹ انگلینڈ اور آسٹریلیا کے درمیان یکم اگست سے شروع ہو گا
اور ورلڈ ٹیسٹ چیمپئن شپ کا فائنل جون 2021 میں انگلینڈ میں ہو گا۔ورلڈ ٹیسٹ چیمپئن شپ کے دوران ہر ٹیم تین ملکی اور تین غیر ملکی سیریز کھیلے گی اور ہر سیریز کے 120 پوائنٹس ہوں گے۔دو ٹیسٹ میچ پر مشتمل سیریز کے 60، 60 پوائنٹس ہوں گے جب کہ 3 ٹیسٹ میچز پر مشتمل سیریز میں ہر میچ کے 40 پوائنٹس ہوں گے۔اسی طرح 4 ٹیسٹ میچوں کی سیریز میں ایک میچ جتینے پر 30 پوائنٹس ملیں گے جب کہ میچ برابر ہونے کی صورت میں دونوں ٹیموں کو 15، 15 پوائنٹس ملیں گے اور میچ ڈرا ہونے کی صورت میں دونوں ٹیمیں 10، 10 پوائنٹس کی حقدار ٹھہریں گی۔ 5 ٹیسٹ میچوں کی سیریز میں ایک میچ جیتنے پر 24 پوائنٹس ملیں گے جب کہ برابر ہونے کی صورت میں 12 اور ڈرا ہونے پر 8 پوائنٹس ملیں گے۔جنرل منیجر انٹرنیشنل کرکٹ کونسل جیف آلار ڈائس کا کہنا ہے کہ ورلڈ ٹیسٹ چیمپئین شپ سے باہمی سیریز میں مقابلہ بڑھے گا۔انگلش ٹیم کے فاسٹ بولر جیمی اینڈرسن نے ورلڈ ٹیسٹ چیمپئن شپ کو زبردست اقدام قرار دیتے ہوئے کہا کہ ٹیسٹ کرکٹ بڑی اہمیت کی حامل ہے جب کہ بھارتی کپتان ویرات کوہلی کہتے ہیں آئی سی سی ٹیسٹ چمپئن شپ کے منتظر ہیں۔آسٹریلوی قائد ٹم پین نے ورلڈ ٹیسٹ چیمپئن شپ زبردست آئیڈیا قرار دیا ہے۔

تازہ ترین خبریں