02:13 pm
فاسٹ بالر محمد عامر کی سینٹرل کنٹریکٹ میں تنزلی کا خدشہ

فاسٹ بالر محمد عامر کی سینٹرل کنٹریکٹ میں تنزلی کا خدشہ

02:13 pm

لاہور( آن لائن )سینئر قومی کرکٹرز محمد حفیظ ، شعیب ملک اورمحمد عامرکے بعد پیسر جنیدخان کی سنٹرل کنٹریکٹ میں تنزلی کا خدشہ پیدا ہو گیا جبکہ ناقص کارکردگی پرفخر زمان ،عماد وسیم اور حسن علی کی کیٹیگری میںتنزلی کا بھی امکان ہے۔ذرائع کے مطابق پی سی بی کی سنٹرل کمیٹی کے اجلاس میں گزشتہ روز قومی پلیئرز کو سینٹرل کنٹریکٹ دینے سے متعلق مشاورت کی گئی اور امکان ہے کہ آج کرکٹ کمیٹی کے اجلاس میں باہمی صلاح و مشورے کے بعد زیر معاہدہ پلیئرز کی تعداد اور درجہ بندیوں کا تعین کرلیا جائے گا،جس کا باقاعدہ اعلان کل کیا جائیگا۔
ذرائع کا دعوی ہے کہ نئے سنٹرل کنٹریکٹس کی فہرست میں شعیب ملک،محمد حفیظ اورمحمد عامر کے نام شامل نہیں ہوں گے یا انہیں تنزلی کا سامنا کرنا پڑے گا جبکہ ٹیسٹ کرکٹ سے ریٹائرمنٹ نے محمد عامر پر بھی سوالیہ نشان لگا دیا ہے جن کی تنزلی یا معاہدے سے محرومی کا خدشہ ہے کیونکہ نئی پالیسی کے تحت تینوں فارمیٹس میں نمائندگی کرنے والے پلیئرز کو سنٹرل کنٹریکٹ کیلئے اولین ترجیح سمجھا جائے گا۔ذرائع کا کہنا ہے کہ وہاب ریاض،عابد علی اور محمد حسنین کو فہرست میں شامل کرلیا جائے گا۔ورلڈ کپ سے محروم فہیم اشرف کے علاوہ آصف علی،اسد شفیق اورشان مسعود کی درجہ بندیوں میں بھی ردوبدل کیا جا سکتا ہے کیونکہ گزشتہ برس 33 پلیئرز کے بجائے اس بار 15 سے 20پلیئرز فہرست میں شامل ہوں گے