03:11 pm
حسن علی کی سیزن فٹنس ٹیسٹ میں شرکت سے معذرت

حسن علی کی سیزن فٹنس ٹیسٹ میں شرکت سے معذرت

03:11 pm

لاہور (مانیٹرنگ ڈیسک) قومی کرکٹ ٹیم کے میڈیم پیس بائولر حسن علی نے پاکستان کرکٹ بورڈ کی جانب سے منعقد کیے جانے والے سیزن فٹنس ٹیسٹ میںشرکت سے معذرت کر لی۔ قومی کرکٹر 20اگست کو ایک بھارتی انجینئر سامعہ سے رشتہ ازدواج میں منسلک ہورہے ہیں ۔جبکہ فٹنس ٹیسٹ کی تاریخیں بھی 18تا 20اگست ہی ہیں۔ جس کی وجہ سے انھوںنے کرکٹ بورڈ کو اپنی عدم دستیابی کی بابت مطلع کردیا ہے۔
تاہم انھوںنے پی سی بی کو یقین دہانی کرائی ہے کہ وہ شادی ختم ہوتے ہی دوبئی میں مصباح الحق کے زیر سرپرستی ہونے والے 17روزہ ٹریننگ کیمپ میں شرکت کی یقین دہانی کرادی ہے۔ یہ بھی خیال ظاہرکیا جا رہا ہے کہ حسن علی کی شادی میں ان کے بہترین دوست اور قومی کرکٹر شاداب خان بھی شرکت کریں گے چنانچہ فٹنس ٹیسٹ میں ان کی بھی شرکت مشکوک ہو گئی ہے۔