04:34 pm
پاکستان کرکٹ بورڈ فوری طور پر حرکت میں آگیا

پاکستان کرکٹ بورڈ فوری طور پر حرکت میں آگیا

04:34 pm

لاہور(مانیٹرنگ ڈیسک) پاکستان کرکٹ بورڈ کو دورہ ویسٹ انڈیز پر موجود بھارتی ٹیم پر ممکنہ حملےکی اطلاع کے حوالے سے ایک ای میل موصول ہو ئی ہے جس کی بابت پی سی بی نے فوری طور پر آئی سی سی کومطلع کر دیا ہے۔تفصیلات کے مطابق پاکستان کرکٹ بورڈ (پی سی بی ) کو اطلاع موصول ہوئی ہے کہ ویسٹ انڈیز کے دورے پر موجود بھارتی ٹیم پر حملہ ہوسکتا ہے ۔ذرائع کے مطابق پاکستان کرکٹ بورڈ کو ایک ای میل میں یہ اطلاع موصول ہوئی ہے
کہ ویسٹ انڈیز کے دورے پر موجود بھارتی ٹیم پر ممکنہ طور پر حملہ ہوسکتا ہے ،پی سی بی نے انٹر نیشنل سیریز ہونے کے باعث فور ی طور پر انٹر نیشنل کرکٹ کونسل (آئی سی سی ) کو مطلع کردیا ہے ۔دوسری جانب ترجمان آئی سی سی کا کہنا ہے کہ سکیورٹی کے ایشوز پر ہم کسی طرح کا تبصرہ نہیں کرتے ہیں ۔دوسری جانب ممکنہ حملے کی اطلاع ملنے کے بعد دورہ ویسٹ انڈیز پر موجود بھارتی کرکٹ ٹیم کی سکیورٹی میں اضافہ کردیا گیا ہے ، بھارت اور ویسٹ انڈیز کے مابین دو ٹیسٹ میچز کی سیریز22اگست سے شیڈول ہے، بھارتی ٹیم پہلے ہی ون ڈے اور ٹی ٹونٹی سیریز اپنے نام کرچکی ہے۔