10:46 am
مصباح کو دو عہدے دینے کے خلاف درخواست سماعت کیلئے منظور،پی سی بی سے جواب طلب

مصباح کو دو عہدے دینے کے خلاف درخواست سماعت کیلئے منظور،پی سی بی سے جواب طلب

10:46 am

لا ہور (نیوز ڈیسک )لاہور ہائی کورٹ نے سابق کپتان مصباح الحق کو قومی ٹیم کے ہیڈ کوچ اور چیف سلیکٹر کے عہدے دینے کے خلاف دائر درخواست سماعت کے لیے منظور کرتے ہوئے پاکستان کرکٹ بورڈ(پی سی بی) سے جواب طلب کر لیا ہے۔پی سی بی نے چند دن قبل سابق کپتان مصباح الحق کو قومی ٹیم کا ہیڈ کوچ اور چیف سلیکٹر مقرر کیا تھا۔سابق کپتان کو دو عہدے دینے پر سابق کرکٹرز نے تحفظات کا اظہار کرتے ہوئے کہا تھا
کہ ہیڈ کوچ اور چیف سلیکٹر دونوں اہم عہدے ہیں اور ان دونوں عہدے سے انصاف کرنا مصباح الحق کے لیے انتہائی آسان ہو گا۔سابق کپتان کو اہم اہم عہدے دینے کے خلاف لاہور ہائی کورٹ میں درخواست دائر کی گئی تھی جس میں موقف اختیار کیا گیا کہ مصباح الحق کے پاس ہیڈ کوچ اور چیف سلیکٹر کے عہدے کا کوئی تجربہ نہیں اور ان کی تقرری غیرقانونی اور میرٹ کی خلاف ورزی ہے۔دوران سماعت جسٹس امیر بھٹی نے کہا کہ مصباح الحق ہمارے ملک کے اسٹار ہیں اور آپ کو خوشی ہونی چاہیے کہ اس مرتبہ کوچ پی سی بی نے امپورٹ نہیں کیا۔

تازہ ترین خبریں