12:25 pm
 اب کسی کھلاڑی کو بریانی نہیں ملے گی،بائولنگ کوچ نے قومی ٹیم پر بڑی پابندی عائد کردی

اب کسی کھلاڑی کو بریانی نہیں ملے گی،بائولنگ کوچ نے قومی ٹیم پر بڑی پابندی عائد کردی

12:25 pm

لاہور(نیوز ڈیسک)قومی ٹیم کے سابق فاسٹ باؤلر وقار یونس نے کہا کہ میری اور مصباح کی بہت اچھی کیمسٹری رہی ہے مجھے کسی کے نیچے کام کرنے میں کوئی مسئلہ نہیں ہے۔باؤلنگ کوچ کا عہدہ سنبھالنے کے بعد وقار یونس نے پہلی بارقذافی سٹیڈیم، لاہور میں میڈیا سے گفتگو کی ۔وقار یونس نے کہاکہ مصباح الحق کے ساتھ اچھی شراکت داری رہی، اب کسی کھلاڑی کو بریانی کھانے کو نہیں ملے گی۔ذرائع ابلاغ کے نمائندوں کو پہلے تو کیمپ پر بریفنگ دی پھر مصباح الحق کی سربراہی میں باؤلنگ کوچ کے فرائض بھی احسن انداز میں نبھانے کے عزم کا اظہار کیا۔وقار یونس نے کھلاڑیوں کی غذا پر بھی خاص توجہ دینے پر زور دیا،بولے کوئی اب کھلاڑی بریانی نہیں کھا سکیں گے۔
بالنگ کوچ نے عمر اکمل اور احمد شہزاد سے متعلق کارکردگی رپورٹ کو منفی پراپگنڈا قرار دیا اور کہا میں نے کبھی نہیں کہا کہ انہیں ٹیم سے دور رکھا جائے۔وقار یونس نے مسقبل قریب میں پاکستان میں مستقل سکونت اختیار کرنے کے عزم کا اعادہ بھی کیا۔لاہور میں میڈیا سے گفتگو کرتے ہوئے وقار یونس نے کہا کہ میری پوری کوشش ہوگی کہ پاکستان کی بولنگ لائن بہتر پرفارم کرے اور اوپر جائے، مصباح کو جتنی سپورٹ کی ضرورت ہوگی میں دوں گا، سرفراز احمد تجربہ کار ہیں، ٹیم کو ان کی ضرورت ہے، کپتان کون ہوگا فیصلہ کرنا چیئرمین کا کام ہے۔وقار یونس کا کہنا تھا کہ نوجوان بولرز میں بہت ٹیلنٹ ہے، نسیم شاہ بھی باصلاحیت ہے اور محمد حسنین بھی ان بولرز میں شامل ہے جو جلد ٹیم میں جگہ بنائیں گے۔سری لنکا سیریز کیلیے کھلاڑیوں کا انتخاب صرف مصباح نے کیا؟سابق فاسٹ بولر کا کہنا تھا کہ سری لنکن ٹیم آرہی ہے جو خوش آئند ہے، امید ہے کہ اسی طرح گراؤنڈ آباد ہوں گے، سری لنکن ٹیم میں باصلاحیت کھلاڑی شامل ہیں ،کسی بھی ٹیم کوکمزور یا ریلو کٹا نہیں کہنا چاہیے۔قومی ٹیم کے بولنگ کوچ کا کہنا تھا کہ سابق کوچ اظہر محمود نے بہت اچھا کام کیا جتنا کریڈٹ دیا جائے کم ہے، اب نئے سرے سے آغاز ہو رہا ہے، ہیڈ کوچ کے انڈر ہی سب کام کرتے ہیں۔

تازہ ترین خبریں