12:47 pm
بھارت ہمارے ساتھ کرکٹ نہیں کھیلنا چاہتا ہے تونہ سہی ان کے پیچھے نہیں بھاگیں گے

بھارت ہمارے ساتھ کرکٹ نہیں کھیلنا چاہتا ہے تونہ سہی ان کے پیچھے نہیں بھاگیں گے

12:47 pm

لاہور(نیوز ڈیسک) پاکستان کرکٹ بورڈ کے چیئرمین احسان مانی کا کہنا ہے کہ ہمارے کھلاڑی باہر کے ممالک میں کھیلتے ہیں تو وہاں تماشائی نہیں آتے، نشستیں خالی ہوتی ہیں جس کی وجہ سے ہمارے پلیئرزکے لیے ان میں کوئی موٹیویشن نہیں ہوتی، امید کرتا ہوں کہ پاکستان اور سری لنکا کی کرکٹ ٹیموں کے درمیان شیڈول سیریز میں تماشائی بڑی تعداد میں سٹیڈیمز آئیں گے اور دونوں ٹیموں کو سپورٹ کریں گے۔چیئرمین پی سی بی کا کہنا تھا کہ ہمیں یہ بات ہرگز نہیں
بھولنی چاہیے کہ دس برس قبل سری لنکن ٹیم یہاں دہشت گردی کا نشانہ بنی اور وہی ٹیم پاکستانی کرکٹ کو سپورٹ کرنے کے لیے ایک بار پھر پاکستان آئی ہے جس پر میں سری لنکن کرکٹ بورڈ کا مشکور ہوں۔احسان مانی نے کہا کہ کولمبو میں حادثے کے صرف دس دن کے بعد ہم نے اپنے انڈر19کرکٹ ٹیم سری لنکا بھیجی۔چیئرمین پی سی بی کا کہنا تھا کہ دنیا کا کوئی بھی ملک دہشت گردی سے محفوظ نہیں ہے ،نیوزی لینڈ میں بہت بڑا دہشت گردی کا واقعہ ہوا۔احسان مانی نے کہا کہ سکیورٹی کے بہترین انتظامات کے حوالے سے ہم کسی سے کم نہیں ہے،ملک میں انٹرنیشنل کرکٹ کی بحالی میں ہماری آرمی، ایجنسیوں اور پولیس کا بہت بڑا ہاتھ ہے۔ا ن کا مزید کہنا تھا کہ اگر بھارتی بورڈ ہمارے ساتھ سیریز کھیلنا چاہتا ہے تو آئے اور بات کرے،ہم ان کے پیچھے نہیں بھاگیں گے کہ ہمارے ساتھ سیریز کھیلیں ۔

تازہ ترین خبریں