05:00 pm
پاکستان نے 33اوورز میں تین وکٹوں پر 194رنز بنالیے

پاکستان نے 33اوورز میں تین وکٹوں پر 194رنز بنالیے

05:00 pm

کراچی (مانیٹرنگ ڈیسک) سری لنکا کے خلاف تیسرےاور آخری ایک روزہ میچ میں ہدف کے تعاقب میں پاکستان کی تین وکٹیں گر گئی ہیں جبکہ اسے مزید 17اوورز میں 104رنزبنا ناہیں۔ 33اوورز کے اختتام پر پاکستان نے 3وکٹوں پر 194رنز بنالیے ہیں۔ اوپنر ز عابد علی اور فخر زمان 74،74رنز بناکر آئوٹ ہو گئے جبکہ ان فارم بابراعظم آج صرف 31رنز بنا سکے۔ اس وقت کپتان سرفراز احمد اور حارث سہیل وکٹ پر موجود ہیں۔ اس سے قبل سری لنکن ٹیم اپنی اننگز میں 9وکٹوں میں 297رنز بنانے میں کامیا ب رہی۔
سری لنکن اوپنر گونا تھیلکا کی شاندار سنچری کی بدولت مہمان ٹیم نے 9وکٹوں پر 297رنز بنائے۔ تھلیکا نے 16چوکوں اور ایک چھکے کی مدد سے 133رنز بنائے۔شناکا نے 43جبکہ کپتان تھریمانے اور بھانوکا نے 36،36رنز بنائے۔ پاکستان کی جانب سے محمد عامر نے تین وکٹیں حاصل کیں۔جبکہ عثمان شنواری، وہا ب ریاض ، شاداب خان اور محمد نواز نے ایک ایک وکٹ لی۔ پاکستان کو سیریز میں 1-0کی برتری حاصل ہے۔ پہلا میچ بارش کی وجہ سے منسوخ کر دیا گیا تھا۔

تازہ ترین خبریں