12:51 pm
مصباح الحق ایک ہی وقت میں چیف سلیکٹر اور ہیڈ کوچ کے عہدوں پر کام کرسکتے ہیں یا نہیں

مصباح الحق ایک ہی وقت میں چیف سلیکٹر اور ہیڈ کوچ کے عہدوں پر کام کرسکتے ہیں یا نہیں

12:51 pm

لاہور (نیوز ڈیسک) قومی ٹیم کے ہیڈ کوچ اور چیف سلیکٹر مصباح الحق کو کام سے روکنے کی درخواست مسترد کر دی گئی۔لاہور ہائی کورٹ میں مصباح الحق کی ہیڈ کوچ سمیت تین عہدوں پر تعیناتی کے خلاف درخواست پر سماعت ہوئی۔درخواست گزار کی جانب سے دائر درخواست میں مؤقف اختیار کیا گیا تھا کہ مصباح کے پاس کوچ سمیت تین عہدے ہیں، تینوں عہدوں کا مصباح کے پاس کوئی تجربہ نہیں ہے لہذا انہیں کام سے فوری طور پر روکا جائے
۔عدالت نے مصباح الحق کو فوری کام سے روکنے کی درخواست مسترد کرتے ہوئے پی سی بی اور دیگر کو نوٹس جاری کر دیا۔لاہور ہائی کورٹ نے کیس کی سماعت نومبر کے دوسرے ہفتے تک ملتوی کرتے ہوئے متعلقہ حکام سے جواب طلب کر لیا۔یاد رہے کہ پاکستان کرکٹ بورڈ نے ورلڈ کپ2019ءکے بعد مصباح الحق کو مکی آرتھر کی جگہ قومی ٹیم کا ہیڈ کوچ اور چیف سلیکٹر مقرر کیا تھا جب کہ انہیں بیٹنگ کوچ کی بھی اضافی ذمہ داری سونپی گئی تھی جس پر کئی ماہرین اور سابق کرکٹرز نے تنقید کرتے ہوئے کہا کہ مصباح کو ایک ساتھ اتنی زیادہ ذمہ داری دینا پاکستان کرکٹ بورڈ کا درست فیصلہ نہیں ہے ۔

تازہ ترین خبریں