اس ویڈیو کے بعد سرفراز احمد کو خاصی تنقید کا نشانہ بنایا جا رہا ہے تاہم کچھ شائقین کرکٹ کا موقف ہے کہ اس معاملے کو جان بوجھ کر ایک تنازعے کی شکل دینے کی کوشش کی جا رہی ہے۔ویڈیو میں دیکھ کر ایسا لگتا ہے کہ محمد حفیظ اور سرفراز احمد ایک دوسرے کو دیکھ ہی نہیں پائے، اسی لیے وہ مصافحہ نہ کر سکے۔ جبکہ جب تمام کھلاڑیوں نے ایک دوسرے سے مصافحہ کر لیا، اس کے بعد میدان سے باہر جاتے ہوئے سرفراز احمد نے محمد حفیظ کو عزت دی اور انہیں میدان سے باہر جاتے ہوئے کھلاڑیوں کو لیڈ کرنے کا کہا۔ واضح رہے کہ پاکستان سپرلیگ (پی ایس ایل)6 کے تیسرے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دیدی۔نیشنل سٹیڈیم ،کراچی میں کھیلے جا رہے پی ایس ایل6 کے تیسرے روز 179 رنز کے ہدف کے تعاقب میں لاہور قلندرز نے فخر زمان اور محمد حفیظ کی شاندار بلے بازی کے باعث کوئٹہ کی ٹیم کو باآسانی زیر کر لیا۔ فخر زمان کی جانب سے 82 جبکہ محمد حفیظ کی جانب سے 73 رنز کی شاندار اور ناقابل شکست اننگ کھیلی گئی۔ اس فتح کے بعد لاہور قلندرز پوائنٹ ٹیبل پر پہلے جبکہ کوئٹہ گلیڈی ایٹرز سب سے آخری نمبر پر چلی گئی۔ لاہور قلندرز نے اب تک کھیلے گئے اپنے دونوں میچز میں فتح حاصل کی ہے