میں شامل نہیں ہونے پر سوالات کھڑے کئے ہیں ۔ وہیں ثانیہ مرزا اور شعیب ملک کے طلاق کی خبروں نے ایک مرتبہ پھر زور پکڑلیا ہے ۔ہندوستان کی اسٹار ٹینس کھلاڑی ثانیہ مرزا نے اپنا آخری میچ حیدرآباد کے لال بہادر ٹینس اسٹیڈیم میں کھیلا اور اپنے کریئر کو الوداع کہہ دیا ۔ پانچ مارچ 2023 کو انہوں نے ایک الوداعی پارٹی کا اہتمام بھی کیا ، جس میں گلیمر اور کھیل دنیا کی مشہور ہستیوں نے شرکت کی ۔ ثانیہ اپنے اہل خانہ کے ساتھ پارٹی میں پہنچیں ۔ ثانیہ مرزا کے ساتھ ان کے بیٹے اذہان، والدین ، بہن اور بہن کے شوہر نظر آئے ۔ ثانیہ کے اہل خانہ نے ایک ساتھ تصاویر بھی کلک کروائیں ۔ تاہم اس پارٹی میں ثانیہ مرزا کے شوہر اور پاکستانی کرکٹر شعیب ملک نظر نہیں آئے ۔ شعیب ملک کے اہلیہ ثانیہ مرزا کے انتہائی خاص دن پر ان کے ساتھ نہیں ہونے پر فینس کے ذہن میں کئی طرح کے سوالات پیدا ہوگئے ہیں پچھلے کچھ مہینوں سے ثانیہ مرزا اور شعیب ملک کو لے کر کئی خبریں چل رہی ہیں۔ ثانیہ مرزا کی ایسی کئی پوسٹ سامنے آئی ہے، جنہیں دیکھ کر فینس نے اندازہ لگایا تھا کہ ان دونوں کے درمیان سب کچھ ٹھیک نہیں چل رہا ہے ۔ وہیں پاکستانی میڈیا نے ثانیہ مرزا اور شعیب ملک کی خبریں تک نشر کردی تھیں ۔حالانکہ طلاق کی خبروں پر ثانیہ مرزا نے کبھی کوئی بیان نہیں دیا ۔ وہیں شعیب ملک نے کہا تھا کہ یہ ان کا ذاتی معاملہ ہے اور انہیں اس پر تنہا چھوڑا جانا چاہئےاب ایک مرتبہ پھر سے ثانیہ مرزا کی الوداعی پارٹی میں نہیں آنے پر فینس شعیب ملک کو لے کر سوالات پوچھ رہے ہیں ۔ شعیب ملک نے بھی ابھی تک سوشل میڈیا کے ذریعہ ثانیہ مرزا کی اس پارٹی کو لے کر کوئی پوسٹ شیئر نہیں کی ہے ۔بتادیں کہ ثانیہ نے لال بہادر ٹینس اسٹیڈیم میں نمائشی میچ کھیل کر اپنے سفر کو الوداع کہا، جہاں انہوں نے تقریبا دو دہائی پہلے تاریخی ڈبلیو ٹی اے سنگلز خطاب کے ساتھ بڑے پلیٹ فارم پر آنے کا اشارہ دیا تھا میچ کو دیکھنے کیلئے پہنچنے والوں میں مرکزی وزیر قانون کرن ریجیجو ، سابق کرکٹر محمد اظہرالدین، یوراج سنگھ، روبن اتھپا ، اننیا برلا ، ہما قریشی وغیرہ شامل تھے ۔نمائشی میچ کے بعد ثانیہ مرزا نے حیدرآباد میں ہائی ٹیک سٹی کے ٹرائیڈینٹ ہوٹل میں الوداعی پارٹی کی میزبانی کی ۔ ثانیہ کی اس پارٹی میں عرفان پٹھان، یوراج سنگھ، ظہیر خان، گورو کپور، سائنا نہوال اور دیگر کھیل دنیا کی کئی بڑی ہستیوں نے شرکت کی ۔ وہیں گلیمر دنیا سے فرح خان، نیہا دھوپیا، ہما قریشی ، اے آر رحمان، مہیش بابو سمیت کئی بڑی ہستیوں نے پارٹی میں شرکت کی ۔









source