01:35 pm
  دہشت گرد بھارت  کا  تعاقب

  دہشت گرد بھارت  کا  تعاقب

01:35 pm

 پاکستان نے بھارت کی ریاستی دہشت گردی کے خلاف بھرپور چارج شیٹ پیش کر دی ہے۔ وزیر خارجہ شاہ محمود قریشی اور ڈی جی آئی ایس پی آر کی مشترکہ
 پاکستان نے بھارت کی ریاستی دہشت گردی کے خلاف بھرپور چارج شیٹ پیش کر دی ہے۔ وزیر خارجہ شاہ محمود قریشی اور ڈی جی آئی ایس پی آر کی مشترکہ پریس کانفرنس ایک غیر معمولی واقعہ تھا ۔ ایل او سی پر بھارت کی حد سے بڑھتی جارحیت اور مقبوضہ کشمیر میں حریت پسندوں پر ڈھائے جانے والے مظالم میں تشویشناک اضافہ نظرانداز نہیں کیا جا سکتا۔ پاکستان کے طول و عرض میں بھارت نے دہشت گردی کا طوفان اٹھانے کے مکروہ منصوبے شروع کر رکھے ہیں ۔ اس حساس معاملے پر ماضی کے حکمرانوں کی معنی خیز خاموشی نے پاکستان کا مقدمہ کمزور کر دیا ۔ نتیجہ یہ نکلا کہ دہشت گردی کا موجد و سرپرست بھارت سینہ زوری پر اتر آیا ۔ حالت اتنی بگڑ چکی ہے کہ مودی سرکار کے وزیر اور اہم ریاستی عہدیدار کھلم کھلا پاکستان کو دہشت گردی کے ہتھیار سے لہو لہان کرنے کی دھمکیاں دیتے ہیں ۔ بھارتی بری فوج کے سربراہ اور موجودہ چیف آف ڈیفنس سٹاف جنرل بپن راوت کئی برسوں سے بیک وقت دو محاذوں پر پاکستان اور چین سے پنجہ آزمائی کی گیدڑ بھبکیاں دیتے رہے ہیں ۔ وزیر دفاع راجناتھ سنگھ، جو کہ گذشتہ حکومت میں وزیر داخلہ بھی تھے، پاکستان کو دہشت گردی اور فوجی مہم جوئی کا نشانہ بنانے کی بھارتی حکمت عملی کا ببانگ دہل اعلان کرتے رہے۔ بی جے پی کے مرکزی راہنما سبرامنیم سوامی برملا پاکستان کو چالیس ٹکڑوں میں تقسیم کرنے کی شیطانی خواہش کا اظہار کر چکے ہیں۔ اجیت دووال کا وہ چشم کشا خطاب آج بھی سوشل میڈیا پر دستیاب ہے جس میں موصوف نے بلوچستان اور مغربی محاذ پر دہشت گردوں کو پیسے کے بل بوتے پر پاکستان کا وجود مٹانے کے منصوبے بیان کئے ہیں۔ 
وزیر خارجہ اور ڈی جی آئی ایس پی آر کی مشترکہ پریس کانفرنس نے بھارت کی ریاستی دہشت گردی کے جامع اور ناقابل تردید ثبوت پیش کئے ہیں۔ بھارت نے ایک جانب افغانستان کی سرزمین استعمال کرتے ہوئے ٹی ٹی پی ، جماعت الاحرار اور حزب الاحرار جیسی جماعتوں کو ایک پلیٹ فارم پر جمع کر رہا ہے تو دوسری جانب نام نہاد قوم پرست دہشت گرد تنظیموں بی ایل اے ، بی آر اے اور بی ایل ایف کے درمیان اتحاد قائم کیا گیا ہے ۔ ان دہشت گرد گروہوں کا کنٹرول افغانستان میں بھارتی قونصل خانوں کی آڑ میں قائم جاسوسی اور دہشت گردی کے اڈوں سے کیا جارہا ہے۔ پاکستان کی سرزمین پر خون کی ہولی کھیلنے کے لئے بھارتی ریاست دہشت گرد گروپوں میں اب تک اسی ارب روپے تقسیم کر چکی ہے۔ سات سو دہشت گردوں پر مشتمل ملیشیا تشکیل دی گئی ہے جس کا بنیادی ہدف سی پیک ہے۔ بھارت میں اکیس اور افغانستان میں چھیاسٹھ کیمپوں میں دہشت گردوں کے تربیتی مراکز کام کر رہے ہیں۔ پشاور اے پی ایس ، پی سی ہوٹل گوادر ، کراچی سٹاک ایکس چینج اور چینی قونصل خانے سمیت ہر دہشت گرد حملے کے پیچھے بھارتی ریاست کا ہاتھ ہے۔ پاکستان کا وجود مٹانے کے لیے دہشت گردی ، لسانی تشدد اور شدت پسندی کے ہتھیار آزمانے کا بھارتی وطیرہ بہت پرانا ہے۔ لسانی تعصب کا ہتھیار سب سے پہلے مشرقی پاکستان میں استعمال کیا گیا ۔ گاہے بگاہے پشتونستان اور آزاد بلوچستان کے نام نہاد علمبردار پاکستانی کی نظریاتی اساس اور جغرافیائی سا لمیت پر وار کرتے رہے۔ بعدازاں اسی کی دہائی میں سندھ کے شہری علاقوں میں الطاف حسین کے ہاتھوں تشکیل پانے والی لسانی تحریک اور سندھو دیش کے حامی نام نہاد قوم پرستوں کو بھارت نے گود لے لیا۔ 
سندھ میں پاکستان اور دو قومی نظرئیے پر یقین رکھنے والے قائدین اور جماعتوں کو راستے سے ہٹا کر کراچی و حیدرآباد میں جو رقص ابلیس بپا کیا گیا اس کے بد اثرات آج بھی ختم نہیں ہوئے۔ حکیم سعید اور صلاح الدین جیسی محب وطن شخصیات کو شہید کیا گیا ۔ علامہ شاہ احمد نورانی ،عبدالستار ایدھی اور مفتی تقی عثمانی جیسی قدآور شخصیات پر قاتلانہ حملے ہوئے۔ محب وطن طبقات پر پاکستان کی زمین تنگ کی گئی ۔ اس گھنائونے کھیل کے پیچھے بھارت کا شیطانی ذہن اور سرمایہ کام کررہا تھا۔ دہشت گردوں کی ٹیلی فون کالز کا ریکارڈ موجود ہے۔ حال ہی میں بھارت کے چالیس سے زائد بنکوں سے ڈھائی ہزار سے زائد مشکوک ترسیلات کا تذکرہ میڈیا پر رپورٹ ہوا ۔ افغانستان کے قونصل خانوں میں روپوش ان بھارتی حاضر سروس فوجی افسروں کے نام دستیاب ہیں جو پورے خطے میں دہشت گردی کے نیٹ ورکس چلا رہے ہیں۔ قوم پرستوں اور شدت پسندوں کی مشترکہ یلغار کے ساتھ ساتھ پاکستان پر دبائو ڈالنے کے لیے داعش کے دہشت گردوں کو بھیج کر پاکستان کی گردن میں دہشت گردی کا پھندا مزید تنگ کیا جا رہا ہے۔ بھارتی ریاستی دہشت گردی کا سب سے بڑا ثبوت نیول افسر کھل بھوشن یا دیو پاکستان کی حراست میں ہے۔ بھارت کی وحشیانہ یلغار کے مقابل بے حد کم وسائل اور انتہائی غیرموافق بین الاقوامی حالات کے باوجود پاکستان کے تمام دفاعی اداروں خصوصاً آئی ایس آئی نے پوری جانفشانی سے اپنے فرائض ادا کرتے ہوئے دشمن کے تمام منصوبے بے نقاب بھی کئے ہیں اور اپنی جانوں کا نذرانہ دے کر مادر وطن کا تحفظ بھی کیا ہے۔ محب وطن حلقے یہ پوچھنے میں حق بجانب ہیں کہ جان پر کھیل کر حاصل کئے گئے ان ثبوتوں کی بنیاد پر گذشتہ حکمرانوں نے بھارت کے خلاف سفارتی محاذ پر کیا کامیابی حاصل کی ؟ پاکستان کا مقدمہ عالمی اداروں میں کیسے پیش کیا ؟ کھل بھوشن کے چشم کشا اعترافات اور بھارتی دہشت گردی کے ثبوتوں کی دستیابی کے باوجود سابق حکومت گونگے کا گڑ کھا کے کیوں بیٹھی رہی؟ 
آج لندن میں جمہوریت اور سول بالادستی کا مرثیہ پڑھنے والے سابق وزیر اعظم اور ان کے جاں نثار ترجمان عوامی عدالت میں کوئی معقول وضاحت کیوں پیش نہیں کر پارہے؟ موجودہ حکومت سے استدعا ہے مودی سرکار کی ریاستی دہشت گردی ، مقبوضہ کشمیر میں بین الاقوامی قوانین کی پامالی اور دہشت گردوں کی مالی معاونت جیسے سنگین جرائم کے تمام ثبوت عالمی فورمز پر استعمال کر کے بھارت کو دہشت گرد ریاست قرار دلانے کے لیے ہر ممکن اقدام اٹھایا جائے۔




 

تازہ ترین خبریں

پاکستانیوں کیلئے خوشخبری ، سرکاری چھٹی کااعلان کر دیا گیا

پاکستانیوں کیلئے خوشخبری ، سرکاری چھٹی کااعلان کر دیا گیا

راولپنڈی میں ایک لڑکی لاپتہ ہوئی ، بعد میں وہ کس حالت میں کہاں سے برآمد ہوئی ؟ پاکستانی سناٹے میں آگئے

راولپنڈی میں ایک لڑکی لاپتہ ہوئی ، بعد میں وہ کس حالت میں کہاں سے برآمد ہوئی ؟ پاکستانی سناٹے میں آگئے

تمام پاکستانیوں کا انتظار ختم ، 12ربیع الاول کو کون سااہم ترین نوٹیفیکیشن جا ری ہونے جا رہا ہے ؟ بڑی بریکنگ نیوز

تمام پاکستانیوں کا انتظار ختم ، 12ربیع الاول کو کون سااہم ترین نوٹیفیکیشن جا ری ہونے جا رہا ہے ؟ بڑی بریکنگ نیوز

بجلی کے بل چاہیں تو قسطوں میں ادا کردیں ، حکومت نے غریب عوام کی سن لی ، بڑا ریلیف دیدیا

بجلی کے بل چاہیں تو قسطوں میں ادا کردیں ، حکومت نے غریب عوام کی سن لی ، بڑا ریلیف دیدیا

راولپنڈی میں سیکیورٹی گارڈ نے ایک خاتون کے کپڑے پھاڑے اور شرمناک کام کرتا رہا ، لڑکی پوری رات سڑک کے بیچ بیٹھی روتی رہی؟ ویڈیو لنک میں 

راولپنڈی میں سیکیورٹی گارڈ نے ایک خاتون کے کپڑے پھاڑے اور شرمناک کام کرتا رہا ، لڑکی پوری رات سڑک کے بیچ بیٹھی روتی رہی؟ ویڈیو لنک میں 

زرتاج گل کے شوہر کو دل کا دورہ ، انتہائی نازک حالت میں ہسپتال لایا گیا مگر ۔۔۔۔ افسوسناک خبر آگئی

زرتاج گل کے شوہر کو دل کا دورہ ، انتہائی نازک حالت میں ہسپتال لایا گیا مگر ۔۔۔۔ افسوسناک خبر آگئی

عمران خان کو نقصان پہنچانے کیلئے مجھے کس نے مہرے کی طرح استعمال کیا۔۔ جمائما خان نے بڑا انکشاف کر دیا، پوری پاکستانی قوم ہکا بکا

عمران خان کو نقصان پہنچانے کیلئے مجھے کس نے مہرے کی طرح استعمال کیا۔۔ جمائما خان نے بڑا انکشاف کر دیا، پوری پاکستانی قوم ہکا بکا

دو شہروں کا فاصلہ گھنٹوں کی جگہ منٹوں میں ،پاکستان میں4لین پر مشتمل نئی عالی شان اموٹر وے بنانے کی تیاریاں ، منظوری دیدی گئی

دو شہروں کا فاصلہ گھنٹوں کی جگہ منٹوں میں ،پاکستان میں4لین پر مشتمل نئی عالی شان اموٹر وے بنانے کی تیاریاں ، منظوری دیدی گئی

دنیا کلے آلودہ ترین شہروں میں پاکستان کا ایک شہر پہلے اور ایک چوتھے نمبر پر ، جانتے ہیں یہ دونوں شہرکون سے ہیں

دنیا کلے آلودہ ترین شہروں میں پاکستان کا ایک شہر پہلے اور ایک چوتھے نمبر پر ، جانتے ہیں یہ دونوں شہرکون سے ہیں

گھروں میں سوئی گیس استعمال کرنے پر پابندی ، پاکستانیوں کو آج کے بعد کیا چیز استعمال کرنی پڑے گی ؟حکومت کا ایک اور بڑا اقدام

گھروں میں سوئی گیس استعمال کرنے پر پابندی ، پاکستانیوں کو آج کے بعد کیا چیز استعمال کرنی پڑے گی ؟حکومت کا ایک اور بڑا اقدام

دنیا کے سب سے گرم ترین علاقوں کے نام سامنے آگئے ،جانتے یہ دونوں شہر کون سے ہیں ؟ پاکستانیوں کیلئے حیران کن خبر

دنیا کے سب سے گرم ترین علاقوں کے نام سامنے آگئے ،جانتے یہ دونوں شہر کون سے ہیں ؟ پاکستانیوں کیلئے حیران کن خبر

اوگرا نے 5 روپے بڑھانے کی سفارش کی تھی مگر غریب پاکستانیوں کے ہمدرد نے پٹرول کی قیمت میں ایک ساتھ کتنے روپے اضافہ کر دیا ؟ عوام کی دھاڑیں  

اوگرا نے 5 روپے بڑھانے کی سفارش کی تھی مگر غریب پاکستانیوں کے ہمدرد نے پٹرول کی قیمت میں ایک ساتھ کتنے روپے اضافہ کر دیا ؟ عوام کی دھاڑیں  

پاکستانیوں کیساتھ اگلے کچھ ہی منٹوں میں کیا کام ہونے والا ہے ؟ جان لیں 

پاکستانیوں کیساتھ اگلے کچھ ہی منٹوں میں کیا کام ہونے والا ہے ؟ جان لیں 

وزیراعظم کا چینی کی ذخیرہ اندوزی اور ناجائز منافع خوری کے خلاف سخت قانونی کارروائی کا حکم

وزیراعظم کا چینی کی ذخیرہ اندوزی اور ناجائز منافع خوری کے خلاف سخت قانونی کارروائی کا حکم