مصرکاموجودہ آئین فوجی بغاوت کے بعد 2014ء میں نافذہواتھا۔اس آئین میں صدارت کی مدت چار سال مقررہے اورکوئی شخص دوبارسے زیادہ صدرمنتخب نہیں ہوسکتا۔السیسی کی حامی قوتیں اسی شق میں ترمیم کرناچاہتی تھیں۔ان ترامیم کو پارلیمان سے عارضی منظوری بھی حاصل ہوچکی تھی۔ان ترامیم پرایک پارلیمانی کمیٹی نے غورکرکے ان کوحتمی ووٹنگ کے لئے پارلیمان میں پیش کردیاتھا۔پارلیمان سے منظوری کی صورت میں ایک قومی ریفرنڈم کروایاگیاجس میں صرف السیسی کی طرف سے جبری طورپرسرکاری ملازمین کوحصہ لینے کے لئے مجبورکیاگیا۔بد قسمتی سے جمہوریت اور انسانی حقوق کادرس دینے والے مغربی حکمران السیسی کے اقدامات پراب تک خاموشی اختیارکیے ہوئے ہیں۔ السیسی حکومت اپنے ہرمخالف کے خلاف کارروائی نہیں کرتی لیکن جولوگ حکومت کی انتقامی کارروائی کاشکارہوتے ہیں انہیں بدترین تشدداوربے رحمی کا سامناکرناپڑتا ہے۔ فوجی بغاوت کے بعدسے اب تک تقریباً 72 ہزار افراد کوسیاسی بنیادوں پرگرفتارکیا جا چکا ہے۔ خالدیوسف ایک فلم ڈائریکٹرہیں،وہ فوجی بغاوت کے بعدالسیسی کی حمایت کرنے والی پارلیمان کے رکن بھی تھے۔اس کے علاوہ وہ آئین سازکمیٹی کے رکن بھی تھے۔گزشتہ برس یکم فروری کوانہوں نے اپنے فیس بک اورٹوئیٹر اکاونٹ پرآئینی ترامیم کی مخالفت کی۔ انہوں نے یہ بھی کہاکہ ان کے موقف کے سبب انہیں جھوٹے الزامات میں گرفتاربھی کیاجاسکتا ہے۔ان کی یہ بات کسی حد تک درست بھی ثابت ہوئی۔5فروری کودومصری اداکارائوں کوبدکاری کے الزام میں گرفتارکیا گیا۔ان اداکارائوں کی ایک ویڈیو لیک ہوئی تھی،جس میں انہیں نیم برہنہ حالت میں رقص کرتے ہوئے دیکھا جاسکتاتھا۔مصر کے ذرائع ابلاغ کے مطابق ان اداکارائوں نے تفتیش کاروں کوبتایاکہ یہ ویڈیوخالدیوسف نے اپنے گھرپربنائی تھی۔عالمی میڈیاکے مطابق اس واقعے کوخالدیوسف کی کردارکشی کے لئے استعمال کیا جا رہا ہے۔ مصر جیسے قدامت پسند معاشرے میں ناجائز جنسی تعلقات کسی بھی شخصیت کی ساکھ کوبری طرح متاثر کر سکتے ہیں۔اس خبرکے بعدخالد یوسف گرفتارکرکے نجانے کہاں پہنچادیاگیااوران کی آج تک کوئی خبرنہیں۔ھیثم الحریری بھی اسی قسم کی صورتحال سے دوچارہو گئے۔ھیثم ایک وکیل ہیں جنہوں نے آئینی ترامیم کے خلاف آوازاٹھائی۔ان پرایک حکومت نوازوکیل نے اپنی خاتون آفس منیجرکوفون پرہراساں کرنے کاالزام عائدکیاگیااور فون کال کی ریکارڈنگ بھی پیش کردی گئی اوران کے ساتھ بھی خالدیوسف والا معاملہ پیش آیااوران کوبھی اس خبرکے بعدآج تک کسی نہیں دیکھا۔یہ ریکارڈنگ اصلی ہیں یاجعلی، اور کیا خالد یوسف اورھیثم الحریری واقعی اس کردارکے حامل ہیں یانہیں،ان سوالات سے زیادہ اہم ان الزامات کو عائد کرنے کاوقت ہے۔مصرکا موجودہ عدالتی نظام اور سلامتی کے ادارے ہراسگی کاشکارہونے والی خواتین کی مددکرنے کے حوالے سے کوئی اچھاریکارڈ نہیں رکھتے تاہم حوصلہ افزابات یہ ہے کہ ان کارروائیوں کے بعدبھی سوشل میڈیاپرآئینی ترامیم کے خلاف ویڈیو آنے کاسلسلہ جاری ہے۔یہ سلسلہ نہ ہی کسی فوری تبدیلی کی علامت ہے اورنہ ہی اس بات کا اشارہ کہ ملک میں السیسی کی حکومت مضبوط ہورہی ہے تاہم یہ بات اہم ہے کہ نہ صرف مصری عوام کواس بات کاادراک ہوچکاہے کہ وہ حکومت کوچیلنج کرسکتے ہیں بلکہ ان کی اس سلسلے میں اجتماعی کوششوں میں اضافہ ہوگیاہے لیکن یہ الگ بات ہے کہ فی الحال کوئی عوامی تحریک سامنے نہیں آسکی۔ عوام میں غم وغصہ بڑھتاجارہاہے اوراسی وجہ سے السیسی کی مقبولیت میں خاطرخواہ کمی واقع ہوئی ہے۔مصر میں موجود سروے کے ادارے بصیرکے مطابق السیسی کی مقبولیت2014 ء میں54فی صد سے کم ہو کر2016ء میں27فی صدرہ گئی تھی۔ 2016ء میں السیسی نے پیٹرولیم مصنوعات کی قیمتوں پربرسوں سے عائد سبسڈی کوجب سے ختم کیاہے،اورمصری کرنسی کی قدرمیں بھی کمی کردی ہے،اس کے نتیجے میں اشیائے ضرورت کی قیمتوں میں اضافہ ہوااورلوگوں کا طرززندگی متاثر ہوا،اورآج السیسی کی مقبولیت کاگراف سرکاری اداروں کے ملازمین کی مجبوری کے علاوہ کہیں نظرنہیں آتا۔(جاری ہے)