قائد کی عمومی صفت یہ ہونی چاہئے کہ کسی بھی قربانی کے لئے سب سے پہلے خود کوپیش کرے پھر اس کی قربانی کو حق گرداننے والے اپنے قائد کے ساتھ کسی بھی قسم کے ناروا سلوک کے خلاف سراپا احتجاج بن جائیں۔وہ اگر محسوس کریں ان کی نظریاتی اساس کو کوئی خطرہ لاحق ہے ،وہ باور کریں کہ قائد کے مقصد کی رفعت کو کسی نا گہاں نقصان کا سامنا ہے تو سیسہ پلائی ہوئی دیوار بن جائیں ۔ہرطرح کے ایثار و قربانی کو حرز جاں بنا لیں ،لیکن آج کی صورت حال کے خلاف ریاست کی بنیادیں کمزور کرنے اور پر ظلم و تشدد کی کہانیاں گھڑ گھڑ کر ایک جہان کو اپنا ہمنوا بنالے۔ سروں کی فصل کٹوانے کے عمل سے اپناجگر ٹھنڈا کرکے وہ خودکچھ وقت کے لئے زمین دوز ہوجائے یا جلاوطن کا روپ دھارے ریاست کے لوٹے ہوئے مال و زر ملک سے فرار ہوجائے اور باقی ماندہ کارکن جان قربان کرنے والوں کے مرثیے پڑھتے ہوئے ،نوحے الاپتے ہوئے سڑکوں پر نکل آئیں اور قائد اس وقت تک ریاستی مشینری کو خود پردسترس یا رسائی نہ دیں جب ریاست کے محافظ امن وامان کی فضا کومکدر نہ بنادیں ۔ دوسری طرف ریاست پر حکمرانی کرنے والے وہ مکروہ و بے چہرہ اور طاقت کے نشے میں غرق وزیر مشیر ہوتے ہیں جن کا اولین مقصد اپنے مفادات کی نگرانی کرنا ہوتا ہے یا یہ کہ وہ اپنے اثاثہ جات جو دراصل ریاست کا اثاثہ ہوتے ہیں ان کی لوٹ مار میں مگن ہوجاتے ہیں اور تاریخ یہ بتاتی ہے کہ پھر عسکری قیادت ملک کی باگ ڈور سنبھالنے پر مجبور ہوجاتی ہے۔جسے سیاستدان آمریت کانام دیتے ہیں مگر جو سیاستدان اسی وقت کی ٹوہ میں ہوتے ہیں وہ آمروں کے آلہ کار بن جاتے ہیں اور دونوں طرف ریاست کی بربادی کے نوشتے لکھے جاتے ہیں۔ آج بھی مسلم لیگ( ن) بلکہ پوری پی ڈی ایم ہو یا تحریک انصاف سب کا ہدف ایک ہی ہے اور اپنے ہدف کے حصول کے لئے سب اپنے اپنے تئیں تگ و دو میں ہیں مگر مقتدرہ چپ کی بکل مارے حالات کے مخدوش سے مخدوش تر ہوجانے کی منتظر ہے ،حکومت اور حزب مخالف کسی انتہا پر پہنچیں تو پھر ’’میرے عظیم ہم وطنو!‘‘ کانعرہ مستانہ چاروں سمت گونجے اور ایسا گونجے کہ عوام بھی نفرت کے زہر کی طرح ابل پڑیں اور پنجاب کے دارالحکومت کے ہر چوک پرآویزاں چوہدری شجاعت حسین کے بینر مقتدرہ کے ہر اقدام ضامن بن جائیں ، پھر نئے پاکستان کاآرزو مند معافی نامے درج کرواکے وعدہ معاف گواہ بن جائے مگر اس کو کیا معلوم کہ وہ قائدجو مشرف دور میں معافی نامہ درج کرا کے سو صندوق لئے عازم حجاز ہوا تھا اب وہ پائونڈز اور ڈالروں کے صندوق لئے سرخرو ہو نے پر آمادہ و تیار رہے مگر اب کی بار پرویز الٰہی کے ہاتھ کچھ نہیں آئے گا اور چوہدری شجاعت حسین قبولیت کے شرف سے ضرور سرفراز ہوں گے۔ انہوں نے ایسے ہی تو خاندان کے شیرازے کی قربانی نہیں دی ۔ تب قائد تحریک انصاف کے لئے عدالتوں میں مارے مارے پھریں گے ،جب تک عدلیہ کو عاصم حفیظ جیسے دوچار با اصول جج نہیں مل جاتے۔ پھرقائدانہ اوصاف کا حامل کوئی سیاستدان ضرور ظہور پذیر ہوگا ،پھر پاکستان کی رگ جاں میں نیا اورگرم لہو دوڑے گا ،کپتان کی دلیری اور ساری کی ساری سیاسی دانش چت ہوئی انہیں شائد ہی یاد ہو کہ ریاست مدینہ کے قائد نبی آخرالزمان صلی اللہ علیہ والہ وسلم نے وہ ساری صعوبتیں اپنی جان پر سہی تھیں جو داعی انقلاب کا اصل وصف ہوتا ہے۔