رانا ثناء اللہ کا دوسرا بیان جس سے پورے پاکستان کو ورطہ حیرت میں ڈال دیاہے‘ وہ یہ ہے کہ ’’ یا ہم رہیں گے یا عمران خان‘‘ دونوںمیں سے ایک رہے گا۔ ان کے اس بیان سے یہ ظاہرہورہاہے کہ وزیرداخلہ کس حد تک عمران خان اور ان کی پارٹی سے نفرت کررہے ہیں۔ ان کا یہ بیان criminal act کے زمرے میں آتاہے‘ بلکہ سپریم کورٹ کو اس بیان کے سلسلے میں وزیرداخلہ کا احتساب کرتے ہوئے انہیں سپریم کورٹ میں طلب کرناچاہیے۔ کیونکہ اس بیان سے ان عناصر کی حوصلہ افزائی ہورہی ہے۔ جو عمران خان کو قتل کرناچاہتے ہیں۔ ویسے جس وزیر آباد میں عمران خان پرجو قاتلانہ حملہ ہوا تھا اس سے متعلق کچھ لوگوں پر الزام لگایا گیا تھا جس میں رانا ثناء اللہ کا نام بھی شامل ہے۔ تاہم سوال یہ پیدا ہوتاہے کہ وزیرداخلہ کو اس قسم کی دھمکی آمیزبیان دینے کیلئے انہیں کس نے اکسایاہے۔ شنید ہے کہ نوازشریف لندن میں بیٹھ کر اور مریم صفدر ملک میں بیٹھ کر رانا ثنا اللہ کو استعمال کرتے ہوئے ایسے بیانات دلوارہے ہیں جس سے پی ڈی ایم اور پی ٹی آئی کے درمیان نفرتوں میں مزید اضافہ ہوسکے جو اس ملک میں مزید افراتفری پھیلانے کا باعث بن سکتاہے۔ ویسے بھی یہاں یہ بات نہیں بھولنی چاہیے کہ رانا ثناء اللہ پر طاہرالقادری کے کارکنوں پر قتل کرنے کا الزام ہے اور معاملہ عدالت میں زیرسماعت ہے۔ گلوبٹ بھی ان ہی کے اشارے پر کام کیاکرتاتھا‘ اس نے بھی کتنے معصوم لوگوں کی جانیں لی ہیں۔ دوسری طرف رانا ثنا اللہ نے کہاہے کہ میں نے پی ٹی آئی کے سلسلے میں یہ بیان اس لئے دیاہے کہ عمران خان بھی اپنے جلسوں میں ہمیں دھمکیاں دیتاہے۔ بلکہ یہاں تک کہاہے کہ اقتدار میں آنے کے بعد کچھ لوگوں کو تختہ دار پر لٹکادوں گا۔ انہیں نہیں چھوڑو ں گا۔ نیزیہ تمام لوگ چور اور ڈاکو ہیں۔ یقینا عمران خان نے اپنے جلسوں میں ایسے تبصرے کئے ہیں لیکن یہ سیاسی بیانات تھے‘ سیاسی جلسوں میں اس قسم کے بیانات دینا ایک عام سی بات ہے۔ تاہم عمرا ن خان کو چاہیے کہ وہ آئندہ ا س قسم کے اشتعال انگیز بیانات دینے سے گریز کریں‘ ورنہ سیاسی عدم استحکام مزید بڑھے گا۔ جواس ملک کی سالمیت کیلئے بدشگون ثابت ہوگا۔ تاہم وزیرداخلہ راناثناء اللہ نے جس طرح اپنے مخالفین کو دھمکی دی ہے ‘وہ ہر لحاظ سے جمہوری اقتدار اور آئین کے خلاف ہے۔ ان کے اس شعلہ انگیز جذباتی بیان نے جہاں عوام کو حیرت میں ڈال دیاہے کہ دیں ان کی پارٹی کے سینئر رہنما ان کے ان خیالات سے اتفاق نہیںکرتے ہیں۔ ان کے دھمکی آمیز بیان نے اپوزیشن (پی ٹی آئی) کے درمیان آئندہ کسی بھی قسم کے مفاہمتی سیاسی دروازہ بند کردیاہے‘ میرے خیال کے مطابق مجھے ایسا محسوس ہورہاہے کہ کچھ عناصر جو پاکستان کے اندر موجودہیں اور باہر بھی پاکستان میںخانہ جنگی کراناچاہتے ہیں ۔ دراصل رانا ثناء اللہ کے اس دھمکی آمیز بیان سے یہ ظاہرہورہاہے کہ پی ڈی ایم عمران خان کو قتل کراناچاہتی ہے۔ تاکہ ان کی عدم موجودگی میں ہونے والے عام انتخابات میں کامیابی کویقینی بنایاجاسکے ۔ خودعمران خان نے باقاعدہ کئی بار یہ کہاہے کہ وزیر آباد کے واقعے کے بعدان کو قتل کرانے کی منصوبہ بندی ختم نہیں ہوئی ہے بلکہ جاری ہے۔ اگر دوبار ہ عمران خان پر رانا ثنا اللہ کے بیان سے ان پر خدانخواستہ قاتلانہ حملہ ہوتاہے اور وہ ہلاک ہوجاتے ہیں تو پھر پاکستان میں جوآگ لگے گی وہ بھجائی نہ جاسکے گی۔ ذرا سوچیئے! باطل سے دبنے والے اے آسماں نہیں ہم سو بار کرچکا ہے تو امتحان ہمارا