Daily Ausaf : روزنامہ اوصاف | Largest Urdu News Network

سینیٹ قائمہ کمیٹی توانائی میں مارشل لاکی بازگشت،سینیٹر سیف اللہ ابڑو افسران پربرہم

وزیر اعظم شہباز شریف کا دورہ ترکیہ، قومی سلامتی کمیٹی کا اجلاس ملتوی کردیا گیا۔

پاکستان میں سالانہ دو کے ٹو پہاڑ کے مساوی پلاسٹک کا کچرا پیدا ہو رہا ہے، شیریں رحمان

سعودی عرب میں انٹرنیشنل اسپیس اسٹیشن ناسا کے ماڈلز کی نمائش

پاک آرمی کے ویٹرنز کا جناح ہاؤس لاہور کا دورہ

چوہدری پرویز الہیٰ کو گرفتار کر لیا گیا

ملک میں مہنگائی کا نیا رکارڈ قائم ہوگیا

تمام لگائے گئے الزامات جھوٹ کا پلندہ ہیں، حماد اظہر

اوگرا نے ایل پی جی کی فی کلو قیمت میں 37 روپے کمی کا اعلان کردیا

اسلام آباد ہائیکورٹ نے نجم ثاقب کی طلبی کا سمن معطل کرنے کا تحریری حکم نامہ جاری کردیا

پٹرولیم مصنوعات میں کمی کا اعلان ،پٹرول8 اور ہائی سپیڈ ڈیزل5 روپےفی لٹرسستا ہوگیا

پیمر ا کا نیا ضابطہ اخلاق ، ملک کیخلاف نفرت پھیلانے والوں کا بلیک آئوٹ کرنے کی ہدایت

ٹیکس چوری روکنے کیلئے نئے اقدامات، نان فائلرز سے زیادہ وصولی کی تجاویز

بھارت اور کشمیر میں مسلمانوں کی دربدری

28 days ago.

بھارت کی جن ریاستوں میں بی جے پی کی حکومت ہے وہاں مسلمان خاندانوں کو بے گھر کرنے کا منصوبہ بنایا گیا ہے۔ حکومتی موقف کے مطابق یہ لوگ ناجائز قابضین ہیں۔ اس لئے ان کا قبضہ ختم کروایا جارہا ہے جب کہ حقیقت اس کے بالکل برعکس ہے۔ بھارتی ریاست اترا کھنڈ میں ریاستی ہائی کورٹ نے بھی ظلم میں شریک ہوتے ہوئے یکطرفہ فیصلہ جاری کیا، جس کے مطابق وہاں تقریبا ساڑھے چار ہزار مسلمانوں کے گھروں کو گرانے اور ان خاندانوں کو بے گھر کرنے پر عمل شروع کیا گیا۔ان مسلمان خاندانوں کا موقف ہے کہ وہ یہاں ستر سال سے بھی زیادہ عرصہ سے رہائش پذیر ہیں۔ انہوں نے قیمت ادا کرکے یہ زمینیں خریدی ہیں اور پھر ان پر گھر تعمیر کئے ہیں۔ ان کے پاس ان زمینوں کی باقاعدہ رجسٹریاں اور قانونی کاغذات موجود ہیں لیکن عدالت میں ان کی کوئی شنوائی نہیں ہوئی اور عدالت نے بے انصافی پر مبنی فیصلہ دیتے ہوئے حکومت کو ہمارے ذاتی اور قانونی گھر گرانے کی اجازت دے دی۔ یہ بھی واضح رہے کہ جن ریاستوں میں مسلمانوں کے گھر گرا کر انہیں بے گھر کرنے کا عمل شروع کیا گیا وہاں ہندوئوں کے گھر بھی ہیں لیکن ان کو مسمار نہیں کیا جارہا۔

سراپا پاکستان سید علی گیلانی

9 months ago.

تاریخ شاہد ہے کہ کوئی بھی ایسا شخص دار فانی کو داعی اجل نہیں کہہ سکتا جس نے انسانی افکار پر گہرے اثرات چھوڑے ہوںاور اپنی زندگی کسی اعلیٰ مقصد کے لیے وقف کررکھی ہو اور اپنی قوم کی آزادی کے لیے قربانی دی ہو، سید علی گیلانی کا انتقال نہیں ہوا ہے اور وہ صرف جسمانی طور پراس دنیا سے کوچ کر گئے ہیں لیکن ان کے خیالات کشمیری نوجوانوں کے لیے آج بھی امید کی کرن ہیں۔ سید علی گیلانی نے گزشتہ سال یکم ستمبر 2021کو سرینگر کے علاقے حیدر پورہ میں واقع اپنی رہائش گاہ پر بھارتی پولیس کی حراست کے دوران جام شہادت نوش کیاتھا۔ انہیں بھارتی افواج نے ایک دہائی سے زائد عرصے تک مسلسل گھرمیں نظربند رکھا لیکن وہ ان سے آزادی اور مزاحمت کی سوچ کو چھیننے میں ناکام رہے۔

پاکستانی قوم ،جاگتے رہنا!ہم تیار ہیں

13 months ago.

پاکستان اس وقت تاریخ کے انتہائی نازک موڑ پر کھڑا ہے ۔ افواج پاکستان کے ترجمان میجر جنرل بابر افتخار کا بیان بہت ہی واضح اور معنی خیزہے۔کہتے ہیں عقل مندوں کیلئے اشارہ ہی کافی ہوتا ہے۔ ایسے حالات میں جب وہ تمام گروہ جو افواج پاکستان ،اس کی خفیہ ایجنسیوں اور سربراہان کی تضحیک کرنے میں کوئی کسر روا نہ رکھتے ہوں اور کچھ ایسے لوگ بھی شامل کئے گئے ہوں جو افواج پاکستان کی چوکیوں پر حملے کی قیادت کرچکے ہوں۔وہ بھی جنہوں نے آج تک ، پاکستان زندہ باد ، نہیں کہا۔ اوصاف کے صفحات پر بار بار یہ باور کروائی جارہی ہے کہ 1967ء سے 1969ء تک اگرتلہ سازش کو بھی اس وقت کی سیاسی قیادت نے سازش ماننے سے انکار کردیا تھا اور سازش کو بے نقاب کرنے والے کرنل شمس پر قاتلانہ حملہ کیا گیاتھا لیکن وہ محفوظ رہے ۔انجام قائد اعظم کا پاکستان دولخت ہوگیا ۔

مشرقی پاکستان، سیاستدان ،دانشور ،صحافی ،سازش اور مداخلت ؟

اسلامی جمہوریہ پاکستان کی ایک حکومت اپوزیشن کی بارہ سے زائد جماعتوں اور افراد کی وفاداریاں تبدیل کروانے کے بعد ختم کردی گئی۔ حیرت کی بات ہے وہ تمام سیاسی جماعتیں جو ایک دوسرے کو غدار کرپٹ کہتے ہوئے انتہائی غیر اخلاقی زبان استعمال کرتی تھیں ،جن میں موجودہ پیپلز پارٹی ،نواز لیگ، جے یو آئی وغیرہ شامل ہیں۔ سب اچانک یک جان ہوگئیں۔ سابقہ حکومت کے وزیر اعظم عمران خان نے اسلام آبادکے ایک جلسے میں امریکہ میں سابقہ پاکستانی سفیر کا وزارت خارجہ کو لکھا ہوا ایک خط (جسے عوامی زبان میں تار بھی کہاجاتا ہے )اور دعوی کیا گیا کہ امریکی سفیر برائے جنوبی ایشیا ڈونلڈ لو نے ایک اور امریکہ افسر کے ساتھ پاکستانی سفیر کے ساتھ ملاقات میں وزیر اعظم پاکستان عمران خان کے دورہ روس پر اپنی ناپسندیدگی کا اظہار کرتے ہوئے دھمکی دی کہ ’’ وزیراعظم کے خلاف عدم اعتماد کی تحریک آرہی ہے اگر یہ کامیاب ہوگئی تو امریکہ پاکستان کی غلطیاں معاف کرنے کے بارے میں سوچ سکتا ہے اور اگر یہ ناکام ہوگئی تو پاکستان کو سنگین نتائج کا سامنا کرنا پڑے گا۔ ‘‘

’’ تم تین سال کے لئے ہو ‘‘ نئی سازش ؟

15جون 2015ء کو روزنامہ اوصاف نے نواز حکومت میں ایک فیچر شائع کیا جس میں پیپلزپارٹی کے آصف علی زرداری اور نواز گروپ کے وزیر اعظم نواز شریف نے ایک دوسرے کو تحفظ دینے کے بارے میں قوم کو آگاہ کیا کہ کس طرح ان سیاسی گروپوں نے نیب ،ایف آئی اے اور دیگر اداروں کی کرپشن کے تحقیقات میں رکاوٹ ڈالنے اور ایک دوسرے کا ساتھ دینے کا وعدہ کیاتھا ۔اس وقت نواز حکومت تھی ، آصف علی زرداری کو اور میگا کرپشن سکینڈل خاص کر سوئس عدالت کا معاملہ اور نواز حکومت کو منی لانڈرنگ کا مسئلہ درپیش تھا ،دونوں سخت دبائو میں تھے اور ایک تیسرے فریق کی مدد سے انہوںنے آپس میں مک مکا کرلیا تھا۔ جسے روزنامہ اوصاف نے بے نقاب کیا ۔

میموگیٹ، ڈان لیکس اورا گرتلہ02

پاکستان کو سب سے زیادہ نقصان نااہل حکومتوں اور سیاسی مصلحتوں نے پہنچایا، یہ انہی نااہل اور ہوس اقتدار میں اندھے سیاستدانوں کا کام تھا کہ مشرقی پاکستان موجودہ بنگلہ دیش ہم سے علیحدہ ہوگیا۔ 1965ء کی عبرتناک شکست کے بعد بھارتی حکومت، خفیہ ایجنسیوں اور فوج نے بنگال کے سیاستدانوں جن کی قیادت نیوی کا سابقہ ویٹر شیخ مجیب الرحمان کررہا تھا ،بھارتی منصوبے، بنگلہ دیش کے قیام کیلئے ایک سازش تیار کی وہ اپنے دیگر ساتھیوں کے ساتھ خفیہ طور پر بھارتی ریاست تری پورہ کے شہر اگر تلہ میں بھارتی خفیہ ایجنسیوں اور اور فوجی افسران سے ملنے گیا اس کے ساتھ ایسٹ پاکستان رائفلز ،نیوی اور ائر فورس کے افسران بھی شامل تھے ،پاکستانی قوم کی یاد دہانی کے لئے جس طرح شیخ مجیب الرحمان نیوی میں ایک سٹیوارڈ (منشی ) تھا اسی طرح آج پاکستان میں سابقہ میٹر ریڈر ، ٹکٹیں بیچنے والے ،بھٹی والے اور منشی اگر تلہ 02پر غیر ملکی اشاروں پر کام کررہے ہیں ۔

ایک صدر ، دووزرائے اعظم پاکستان کا قتل اور عدم اعتماد!

اسلامی جمہوریہ پاکستان ریاست مدینہ کے بعد دنیا کی واحد ریاست ہے جو 27رمضان 1947ء کواسلام کے نام پروجود میں آئی۔بانی پاکستان قائد اعظمؒ کی بے وقت وفات(جسے کچھ مورخ قتل قرارد دیتے ہیں) کے بعد اس کی خارجہ پالیسی کی واضح سمت طے نہ ہوسکی ۔ سفارتی ذرائع اور تاریخی حقائق کے مطابق 1949ء میںدورہ ایران کے کے دوران پاکستانی سفیر راجہ غضنفر کے عشائیہ میں روس نے وزیر اعظم پا کستان کو دورہ روس کی دعوت دی ‘ جس کے لئے 28 اکتوبر1951ء کی تاریخ کا تعین کیا گیا ۔ پاکستان کی بدقسمتی کہ دورہ روس سے سات دن پہلے 21اکتوبر 1951ء کو کمپنی باغ راولپنڈی میں (موجود لیاقت باغ)میں لیاقت علی خان کو قتل کر دیا گیا۔

غلام ابن غلام سیاست اور پاکستان

اسلام کے نام پر حاصل کئے گئے اس ملک اسلامی جمہوریہ پاکستان کے عوام ہندوستان سے علیحدہ ہوکر بھی عملی طور پر غلامی کی زندگی بسر کررہے ہیں ۔ تاریخی طور پر انہوں نے صرف تحریک پاکستان کے دوران ہی قائد اعظم محمد علی جناح ؒ کی قیادت میں پاکستان کے لئے ووٹ دیاتھا ۔قیام پاکستان اور قائد اعظم ؒ کی وفات کے بعد جو بھی سیاسی یا غیر سیاسی حکمران آئے انہوں نے کالے انگریز بن کر حکمرانی کی اوراپنے ذاتی مفادات کی خاطر پاکستانی قوم کو تقسیم کرتے گئے ۔ انہوں نے میرے سندھیو ،میرے بلوچیو،میرے پختونو، اور جاگ پنجابی جاگ کے نعرے پر قوم کو تقسیم کیا ،صوبہ سندھ میں 14سال سے جاری پیپلز پارٹی کی حکومت میں کراچی جیسا بلادالعروس شہر کھنڈراورگندگی کا ڈھیر بن گیا ،اندرون سندھ میں وڈیروں اور ان کے غنڈوں کا راج ہے ۔جب بھی حکومت کو خطرہ ہوتا ہے تو سندھ کارڈاستعمال کیاجاتا ہے۔فاٹا اور فانا جیسے پسماندہ وفاقی علاقوں کو قومی دھارے میں شامل کرنے پر غیرملکی طاقتوں کے ایجنٹوں نے جس طرح مزاحمت کرنے اوران کی دہشت گرد تنظیموں نے افواج پاکستان کے خلاف جنگ کی وہ ماضی ،حال کی تاریخ کا حصہ ہے ۔یہ وہ لوگ ہیں جو عملی اور ذہنی طورپر آج بھی انگریزوں کے غلام ہیں ۔

بین الاقوامی سازش ،تاریخی حقائق اور ثبوت

27مارچ 2022ء کے اسلام آباد سیاسی جلسے میں وزیر اعظم پاکستان عمران خان نے ان کی حکومت کا تختہ الٹنے کی دھمکی کا 07مارچ 2022ء کا لکھا ہوا ایک خط لہرایا اورکہا ،ایک غیر ملکی طاقت نے لکھا ہے ۔ انہوں نے (امریکہ ) کا نام لئے بغیر کہا کہ پاکستان کو آزاد خارجہ پالیسی اختیار کرنے ،روس کی مذمت نہ کرنے اور Absolutely notکہنے پر یہ اقدامات کئے جارہے ہیں ۔ یاد رہے کہ07مارچ کو یہ خط لکھا گیا اور 08مارچ کو تحریک عدم اعتماد پیش کردی گئی ۔تحریک پیش کرنے سے پہلے میمو گیٹ کے بانیوں ،اور برطانیہ میںپناہ گزیں مفرور گینگ کی پاکستان کی خفیہ ایجنسیوں اور افواج پاکستان کے خلاف ڈان لیکس اور لگا تار گھٹیا بیان بازی والوں نے تین باتوںپر لگا تارزور دے کر اپنے غیر ملکی آقائوں سے وفاداری کا ثبوت دیا ۔

پاکستان ،آزاد خارجہ پالیسی کی قیمت ؟

وزیر اعظم عمران خان کے خلا ف عدم اعتماد کی تحریک پیش ہوچکی۔یہ بات بھی واضح ہوگئی، پاکستان نے جب سے مغرب کی غلامی سے نجات، آزاد خارجہ پالیسی اختیار کرنے کے اقدامات اٹھائے۔پاکستان کے حقیقی دشمن اورملک کے اندر ان کے سلیپر سیل فوراً متحرک ہوگئے ۔ قوم کو یاد ہونا چاہیے کہ روزنامہ اوصاف کے ان صفحات پر گزشتہ سال افغانستان میںشکست کے بعد امریکی پسپائی کے بعدبتادیا تھا کہ امریکہ اپنی عبرتناک شکست کا ذمہ دار پاکستان کو سمجھتا ہے اور وہ اس سے ڈو مور کا مطالبہ کرے گا۔اور کبھی یہ برداشت نہیں کرے گاکہ سی پیک کی تسلسل سے تکمیل ہو، پاکستان، چین، ایران ،ترکی اور روس سے مل کر خطے میں ایک مضبوط اقتصادی بلاک بنانے میں کامیاب ہو۔ اوصاف نے یہ بھی حوالہ دیا تھا کہ جب ترکی ،پاکستان ،انڈونیشیا اور ملائیشیا کے وزرائے اعظم نے اقوام متحدہ کے 74ویں اجلاس کے بعد اسلامو فوبیا کے خلاف متحرک ہونے اور ایک موثر بلاک بنانے کی کوشش تو مہاتیر محمد وزیر اعظم ملائیشیا کے خلاف اپنے سیاسی سلیپر سیل متحرک کردئے

’’ اسلامی کانفرنس کرکے دکھائو ‘‘ پیپلزپارٹی ،نوازلیگ

اسلامی جمہوریہ پاکستان ان دنوں عالمی اسٹیبلشمنٹ اور ان کے مقامی ایجنٹوں کے ملک میں عدم استحکام پیدا کرنے کی سازشوں کا شکار ہے ۔جب سے وزیر اعظم پاکستان نے روس کا دورہ کیا ہے یہ لوگ پوری قوت سے ملک میں انتشار پیدا کررہے ہیں ۔ پاکستانی قوم کو یاد کروادیں کہ پاکستان کے وزیر اعظم بھٹو کو آزادانہ خارجہ پالیسی اور ملک کو خود مختار بنانے کی کوششوں پر عبرت کانشان بنانے کی دھمکی دی اور پھانسی پر چڑھا دیا ۔ ضیاالحق کو جہاز میں مروادیا ، 18مارچ 2022ء کو بھارت کو دھمکی دی کہ روس سے تیل خریدنے پر اسے نتائج بھگتنے پڑیں گے ۔ پاکستان میں 22`23مارچ 2022ء کو اسلامی وزرائے خارجہ کی کانفرنس ہورہی ہے اور یہی وزرائے خارجہ 23مارچ کو یوم پاکستان کی پریڈ میں شامل ہوں گے۔

مافیا کا خاتمہ ،ابھی یا کبھی نہیں

1971ء کی اُن پارٹیوں کے سیاسی کاروبار کرنے والے مافیاز کے بیٹوں ،بیٹیوں اور دامادوں نے ملک کو یرغمال بنایا ہواہے انہوں نے ریاست میں سیاست کو عوام کے فائدے کی بجائے ایک بلاسرمایہ صنعتی کاروبار بنالیا،جس میں ایک منشی اربوں ڈالر کا مالک ، واپڈا کا ایک میٹر ریڈر کھربوں کی جائیداد ولا، بمبینو سینما میں ٹکٹ فروخت کرنے والا دنیا کا امیر ترین ، لوہے کی بھٹی والابرطانیہ اور دیگر ممالک میں اربوں ڈالر کی جائیداد اور پاکستان میں ہزاروں کینال کے محلات بناچکا۔ مذہبی سیاست کا کاروباری نامعلوم ذرائع سے پاکستان میں اربوں روپے کی جائیداد بنائے ہوئے ہے ،جب احتساب کے ادارے نیب نے طلب کیا تو غصے سے لال پیلا ہوکرچھ لاکھ افراد کے ساتھ ہلا بولنے کا اعلان کردیا۔

سیاسی بلیک واٹر مقصد عدم استحکام ؟

اس وقت کے عالمی امن دائو پر لگا ہوا ہے ۔ استعماری طاقتیں دنیا میں عدم استحکام پیداکرکے اپنی جنگی صنعت کو فروغ دیتے ہوئے ہر قیمت پر اپنی اجارہ داری قائم کرنا چاہتی ہیں ۔ اس گھنائونے مقصد کیلئے انہوں نے مختلف ممالک کے کرپٹ اور سنگین جرائم میں ملوث افراد کو پناہ دیتے ہوئے ان کی پشت پناہی کرکے اپنے مفادات کی حفاظت یقینی بنانے کا بندوبست کیا ہواہے ۔ یہ وہ زرخرید مجرم ہوتے ہیں جو اپنے ملک کی اعلیٰ سے اعلیٰ عدالت کے احکامات کو بھی نظر انداز کردیتے ہیں لیکن ان کی اوقات ان ممالک میں یہ ہوتی ہے کہ ،وہاں کا کم سے کم درجے کا ایک مجسٹریٹ انہیں منی لانڈرنگ کے جرم میں گرفتار کرکے ان کی جائیداد ضبط کرسکتا ہے ۔جس کا ناقابل تردید ثبوت الطاف حسین جیسے مجرم کو واپس نہ کرنا ،اور پاکستان کی عدالتوں کے سزایافتہ اور اشتہاری مجرم کا قانونی موشگافیوں سے تحفظ ہے ۔

عالمی دہشت گرد اور بے ضمیر

’’عمران خان نے CPECمیں تاخیر کرکے چین کو ناراض کردیا ہے وہ ہمارا عظیم دوست ہے‘‘ اس نے میلسی کی تقریر میں یورپ کو ناراض کردیا ہے ہماری ان سے بہت بڑی تجارت ہے ‘‘ شہباز شریف۔’’اس نے سعودیہ جیسے دوستوں کو بھی ناراض کیا انہوں نے ہمیشہ ہمارا ساتھ دیا ‘‘۔ مولوی فضل الرحمان۔ کل ہونے والی پریس کانفرنس میں موجودہ حکمرانوں کے خلاف تحریک عدم اعتماد پیش کرنے کے بعد عمران خان کے خلاف چارج شیٹ پیش کرتے ہوئے جو نقاط بیان کئے ان کا مفہوم یہ بنتا ہےکہ اس نے سعودیہ ،دبئی ،امریکہ اوریورپ کو ناراض کیاہے ۔ یادرہے کہ سعودی عریبیہ نے گذشتہ تین سالوں میں بھارت میں ایک سوبیس ارب ڈالر سے زائد کی سرمایہ کاری کی جبکہ پاکستان کو برے معاشی وقت میں بینک میں رکھنے کیلئے دیئے گئے ایک ارب ڈالر بھی واپس لے لئےاوروہاں موجود پاکستانی مزدوروں کی بجائے بھارت سے منگوانے کا اعلان کیا ۔

امریکہ اور یورپ کا حقیقی چہرہ ؟

گزشتہ ایک دہائی سے روس یورپ اور امریکہ کو اپنی سرحدوں کی حفاظت کیلئے کئے گئے اقدامات اور تحفظات سے آگاہ کررہا ہے لیکن طاقت کے نشے میں چور امریکہ اور یورپ نے روس کو عراق اور افغانستان سمجھ کر دھمکیاں دینا شروع کردیں ۔ امریکہ اور یورپ کا یوکرین کو نیٹو میں شامل کرنے کا واحد مقصد اپنے مذموم مقاصد کے لئے مغربی یورپ اور امریکی عوام کو محفوظ رکھتے ہوئے یوکرین کے عوام کو روس کے خلاف قربانی کا بکرا بنانا ہے ۔ اس کا ایک دوسرا مقصد اپنی جنگی صنعت کو فروغ دینے او ر اسلحہ کی نئی منڈی حاصل کرنا بھی ہے ۔ روس ایک طویل عرصے سے یورپ اور امریکہ کو کہہ رہا تھا کہ وہ اسے عدم استحکام کا شکار کرنے کے اقدامات سے بازرہے لیکن وہ اسے روس کی کمزوری سمجھتے رہے ۔ امریکہ نے سب سے پہلے جارجیا کو نیٹو میں شامل کرنے کی کوشش کی ،جسے روس نے ناکام بنایا۔ 2014ء کو یوکرین میں مداخلت کی جسے ناکام بناتے ہوئے روس نے کریمیا کے عوام کی خواہشات کے مطابق اسے یورپ کے چنگل میں جانے سے بچایا۔

جیل،موت یا کامیابی

یہ الفاظ لاطینی امریکہ کے ملک برازیل کے سربراہ کے ہیں ۔امریکہ نے یہاں 142بلین ڈالر کی سرمایہ کاری کی اور یہ ملک اور اس کے سربراہ اس کی آنکھ کا تارا اور آخری حد تک غلام تھے ،جب انہوں نے آزاد خارجہ پالیسی اختیار کرنے کی کوشش کی تو امریکہ نے انہیں سبق سکھانے کا ارادہ کیا وہاں کے صدر نے اپنے ملک کی خود مختاری کیلئے آزاد خارجہ پالیسی اختیار کرنے کو ترجیح دی اور کہا کہ امریکہ اور اس کے حواری اسے کے خلاف بغاوت کروا سکتے ہیں اور میری جدوجہد کا اختتام جیل موت یا کامیابی ہوگا۔ چند سال پہلے تک اسلامی جمہوریہ پاکستان کا کوئی حکمران سوچ بھی نہیں سکتا تھا کہ یہاں کوئی ایسا شخص بھی حکومت میں آسکتا ہے جو امریکہ اور برطانیہ کی مرضی کے خلاف کام کرے ۔

یوکرین ایک نیا اسرائیل؟

مشرقی یورپ میں واقع چار کروڑ بیس لاکھ کی آبادی والا ، دنیا میں قدرتی وسائل رکھنے والا چوتھا بڑا ملک، رقبے کے لحاظ سے یورپ کادوسرا بڑا ملک ہے ۔یوکرین یورپ کا واحد ملک ہے جس میں یورینیم کے وسیع ذخائر ہیں ۔ یہ شروع سے سوویت یونین کا حصہ تھا 1990میں علیحدگی کے وقت یہ دنیا کی تیسری بڑی ایٹمی قوت تھی لیکن اس کے سربراہوں نے تمام ایٹمی سہولیات اور ہتھیار روس کے حوالے کئے اور باقی کو تباہ کردیا۔ سب سے اہم نقطہ یہ ہے کہ ،روس سے جتنی بھی گیس پائپ لائن یورپ گیس سپلائی کرتی ہیں ان میں سے کچھ کا راستہ یوکرین اور بحیرہ اسود سے گزرتا ہے ۔ایک کریمیا ،بحر اسود ، بلغاریہ ،دوسری یوکرین ،بحیرہ اسود ، تیسری پولینڈ ،ناروے ،سویڈن ،ناروے ،جبکہ بڑی پائپ لائنیں جرمنی اور فرانس تک جاتی ہیں ان کا راستہ کسی نہ کسی طرح یوکرین سے متعلق ہے اور یوکرین میں موجود انتظامیہ کسی بھی وقت اسے سبوتاژ کرسکتی ہے ۔

دورہ روس اور مغربی ایجنٹ؟