Vehicle Prices News In Urdu

مہران سے بھی سستی اور بہتر گاڑی خریدنا پسند کریں گے؟

پاکستان میں اس وقت دستیاب سب سے سستی نئی گاڑی سوزوکی مہران ہے، جس کی قیمت لگ بھگ سات لاکھ روپے سے شروع ہوگی ہے مگر کیا آپ اس سے ڈیڑھ لاکھ روپے سستی گاڑی خریدنا پسند کریں گے؟اگر ہاں تو اچھی خبر یہ ہے کہ بہت جلد گندھارا نسان لمیٹڈ کی جانب سے بجٹ کار کو متعارف کرایا جاسکتا ہے۔پرو پاکستانی کی ایک رپورٹ کے مطابق آٹھ سال کے تعطل کے بعد گندھارا نسان لمیٹڈ پاکستان میں اپنے آپریشنز کو دوبارہ شروع کرنے والی ہے اور اس کا آغاز ایک سستی بجٹ گاڑی ڈسٹن گو کو متعارف کراکے کیا جاسکتا ہے۔مزید پڑھیں : رینالٹ کا پاکستان میں گاڑیاں تیار کرنے کا معاہدہ

ہنڈائی کی نئی گاڑی پاکستان میں فروخت کے لیے پیش

ہنڈائی نشاط موٹرز نے پاکستان میں اپنی ایس یو وی ٹکسن کو فروخت کے لیے پیش کردیا ہے۔ 11 اگست کو ایک آن لائن ایونٹ کے دوران اس گاڑی کو پاکستان میں متعارف کرایا گیا۔خیال رہے کہ اس سے قبل ہنڈائی نشاط نے رواں سال فروری میں 2 گاڑیاں سانتا فے اور گرینڈ اسٹاریکس پاکستان میں متعارف کرائی تھیں، جن میں سے سانتا فے ایس یو وی جبکہ گرینڈ اسٹاریکس ایک چھوٹی وین تھی۔اب کمپنی کی جانب سے ٹکسن کی شکل میں ایک نئی گاڑی پیش کی گئی ہے جو پہلے جون میں متعارف کرائی جانی تھی مگر کورونا وائرس کی وبا کے باعث تاخیر کا شکار ہوگئی۔

ٹیسلا کا سائبر ٹرک جلد ہی دوبئی پولیس کے بیڑے میں شامل ہو گا

دوبئی پولیس فورس اپنے بیڑے میں سپر کاریں شامل کرنے کے لیے کافی مشہور ہے۔ ٹیسلا کا حال ہی میں متعارف کرایا گیا سائبر ٹرک بھی دوبئی پولیس کے بیٹرے میں شامل کیا جائے گا۔ ظاہر ہے ایسا سائبر ٹرک کی پروڈکشن کے بعد ہی ہوگا اور اس ٹرک کی پروڈکشن 2021 کے آخر میں شروع ہوگی۔کمانڈر انچیف میجر جنرل عبداللہ خلیفہ ال مری کا کہنا ہے کہ سائبر ٹرک کی پولیس کے بیڑے میں شمولیت سے سیاحتی مقامات کی سیکورٹی کو بہتر بنانے میں مدد ملے گی۔ دوبئی پولیس پر تنقید کی جاتی ہے کہ اس کے بیڑے میں شامل گاڑیاں اکثر نمائش کے کام آتی ہے۔

سائنس دانوں نے صرف 10 منٹ میں الیکٹرک کار کی بیٹری چارج کر لی

پنسلوینیا سٹیٹ یونیورسٹی کے سائنسدانوں کی ایک رپورٹ کے مطابق انہوں نے ایک الیکٹرک کار کی لیتھیم آئیون بیٹری کو 10 منٹ میں چارج کیا ہے۔ ماہرین نے اس کی رینج کو بھی 321 سے 482 کلومیٹر تک بڑھا دیا ہے۔ اس کے لیے انہوں نے تھوڑے وقت میں بہت زیادہ درجہ حرارت کا سہارا لیا ہے۔اس تحقیق کے شریک محقق چاؤ-یانگ وانگ نے بتایا کہ اس طریقے سے بیٹری کو کم از کم 2500 بار چارج کیا جا سکتا ہے یعنی یہ 8 لاکھ کلومیٹر تک چل سکتی ہے۔دوسرے الفاظ میں یہ طریقہ کار جلد ہی تمام الیکٹرک کار ساز کمپنیاں اپنا سکتی ہیں۔اتنی تیز رفتاری سے بیٹری کی چارجنگ میں بہت سے مسائل بھی سامنے آئے تھے ۔ تاہم محققین نے اس مسئلے کو تھوڑے سے وقت کے لیے زیادہ درجہ حرارت سے حل کیا۔درجہ حرارت کو تیزی سے بڑھانے کے لیے محققین نے پتلی نکل فوائل لیئر کے ساتھ سیلف ہیٹنگ بیٹری کو استعمال کیا۔

سائنس دانوں نے صرف 10 منٹ میں الیکٹرک کار کی بیٹری چارج کر لی

پنسلوینیا سٹیٹ یونیورسٹی کے سائنسدانوں کی ایک رپورٹ کے مطابق انہوں نے ایک الیکٹرک کار کی لیتھیم آئیون بیٹری کو 10 منٹ میں چارج کیا ہے۔ ماہرین نے اس کی رینج کو بھی 321 سے 482 کلومیٹر تک بڑھا دیا ہے۔ اس کے لیے انہوں نے تھوڑے وقت میں بہت زیادہ درجہ حرارت کا سہارا لیا ہے۔اس تحقیق کے شریک محقق چاؤ-یانگ وانگ نے بتایا کہ اس طریقے سے بیٹری کو کم از کم 2500 بار چارج کیا جا سکتا ہے یعنی یہ 8 لاکھ کلومیٹر تک چل سکتی ہے۔ دوسرے الفاظ میں یہ طریقہ کار جلد ہی تمام الیکٹرک کار ساز کمپنیاں اپنا سکتی ہیں۔اتنی تیز رفتاری سے بیٹری کی چارجنگ میں بہت سے مسائل بھی سامنے آئے تھے ۔ تاہم محققین نے اس مسئلے کو تھوڑے سے وقت کے لیے زیادہ درجہ حرارت سے حل کیا۔درجہ حرارت کو تیزی سے بڑھانے کے لیے محققین نے پتلی نکل فوائل لیئر کے ساتھ سیلف ہیٹنگ بیٹری کو استعمال کیا۔

مزدا نے اپنی پہلی الیکٹرک کار متعارف کرا دی

مزدا الیکٹرک کار کے میدان میں تھوڑی دیر سے داخل ہوا ہے۔ مزدا نے ٹوکیو موٹر شو میں ایک چھوٹی الیکٹرک گاڑی ایم ایکس -30 متعارف کرائی ہے۔ ایم ایکس -30 میں 35.5kWh کی لیتھیم آئیون بیٹری ہے۔ اس گاڑی کا اہم فیچر اس کے فری سٹائل میں کھلنے والے دروازے ہیں۔ اس گاڑی کے دروازے درمیان سے کھلتے ہیں۔یہ دروازے 82 ڈگری فرنٹ اور 80 ڈگری تک رئیر سے کھلتے ہیں۔

ٹویوٹا ٹوکیو میں 2020 اولمپکس گیمز کے لیے الیکٹرک شٹل متعارف کرائے گا

ٹویوٹا ٹوکیو میں ہونے والے 2020 اولمپکس اور پیرالمپکس گیمز کے لیے فلائنگ کار بھی متعارف کرائے گا۔اس کے ساتھ ہی ٹویوٹا کاکہنا ہے کہ وہ ایک اے پی ایم (Accessible People Mover) بھی متعارف کرائے گا۔ اسے اگلے گرما میں ہونے والے کھیلوں کے لیے بنایا جائے گا۔یہ گاڑی اوپن ائیر ہوگی اور اس میں تین قطاریں ہوگنی۔ اس میں 5 افراد بیٹھ سکیں گےا وراس کی رفتار 12 میل فی گھنٹہ ہو سکے گی۔یہ کاریں لیتھیم آئیون بیٹری سے چلیں گے۔ ایک بار چارج ہونے کے بعد یہ کار 100 کلومیٹر تک چل سکے گی۔ اولمپکس ویلج میں 100 گاڑیوں کا بیڑا لوگوں کو مختلف تقریبات لائے اور لے جائے گا۔حیرت انگیز طور پر ٹویوٹا کی اے پی ایم عام عوام کے لیے نہیں ہے۔ یہ اوپن ائیر گاڑیاں گالف کارٹ سے مشابہ ہیں۔ ٹویوٹا نے ہر اے پی ایم میں وہیل چیئر کی جگہ بھی بنائی ہے۔

برٹش کولمبیا میں نئے قانون سے 2040 تک فیول سے چلنے والی گاڑیوں پر پابندی لگ جائے گی

برٹش کولمبیا میں ایک نیا قانون پاس کیا گیا ہے، جس کا مقصد فیول جلانے والی کاروں کی تیاری اور فروخت کو روکنا تھا۔کینیڈا کے صوبے میں ہونے والی یہ قانون سازی اس حوالے سے شمالی امریکا میں ہونے والی سب سے سخت قانون سازی سمجھی جا رہی ہے۔اس قانون کے مطابق 2025 تک فروخت ہونے والی کاروں کا 10 فیصد زیرو ایمیشن (emission) ہوگی جبکہ 2040 میں فیول جلانے والی کاروں اور ٹرکوں کی فروخت پر پابندی ہوگی۔زیرو ایمیشن کاروں میں الیکٹرک کاریں، پلگ اِن ہائیبریڈ اور ہائیڈروجن فیول سیل ماڈلز شامل ہیں۔

یورپ میں نئی الیکٹرک کاروں کو مصنوعی شور پیدا کرنا ہوگا

اگر آپ کو یورپ میں الیکٹرک کاریں شور مچاتی نظر آئیں تو پریشان ہونے کی ضرورت نہیں۔یورپی یونین کے نئے قانون کے مطابق 1 جولائی سے الیکٹرک کاروں میں شور مچانے والی ڈیوائسز Acoustic Vehicle Alert System یا اے وی اے ایس نصب کرنا ہوگی۔ یہ ڈیوائسز کار کی رفتار 19 کلومیٹر فی گھنٹہ یا 12 میل فی گھنٹہ سے کم ہونے پر شور کریں گی تاکہ پیدل چلنے والے لاعلمی میں اس سے ٹکرا نہ جائیں۔ یاد رہے کہ الیکٹرک کاریں زیادہ شور نہیں کرتیں بلکہ تقریباً خاموش ہوتی ہیں۔

چین نے خشکی اور پانی میں چلنے والی خودکار فوجی گاڑی متعارف کرا دی

اس ماہ کے شروع میں چینی بحری جہاز ساز کمپنی نے ایک فوجی گاڑی متعارف کرائی تھی جو خشکی اور پانی دونوں جگہوں پر چل سکتی ہے۔ اس گاڑی کو میرین لائزرڈ (Marine Lizard) کا نام دیا گیا ہے۔ یہ فوجی گاڑی سمندری راستے سے ساحلوں پر حملہ کر سکتی ہے اور خشکی پر بھی دیگر فوجی گاڑیوں کے ساتھ جنگ میں حصہ لے سکتی ہے۔ چین کی سرکاری چائنا شپ بلڈنگ انڈسٹری کمپنی کا کہنا ہے کہ دنیا میں اپنی نوعیت کی اس پہلی فوجی گاڑی کے پروٹو ٹائپ کے کامیاب تجربات کے بعد اسے چینی فوج کو فراہم کر دیا گیا ہے۔میرین لائزرڈ کی لمبائی 12 میٹر ہے۔ یہ سمندر میں 50 ناٹس اور خشکی پر 20 کلومیٹر فی گھنٹہ کی رفتار سے سفر کر سکتی ہے۔فوجی ماہرین کا کہنا ہے کہ یہ گاڑی سمندر میں تیر کر اور رکاوٹیں ہٹا کر اپنا راستہ خود بنا سکتی ہے۔