بہت پہلے ہو چکا ہوتا ہے کہ کون کس کا جیون ساتھی بنے گا، مگر حضرت انسان اس امر سے نا آشنا اپنی ساری طاقت اپنے پسندیدہ فرد سے شادی کرنے کی کوشش میں گزر جاتی ہے جو اگر تقدیر میں ہو تو بغیر کسی جدوجہد کے بھی مل ہی جاتا ہے- سالوں قبل ایک ہی تصویر میں موجود لوگوں کی شادی یہ کہانی چین سے تعلق رکھنے والے ایک جوڑے مسٹر یی اور مس ژوئی کی جن کی ملاقات سال 2011 میں اپنے کچھ مشترکہ دوستوں کی وجہ سے ہوئی تھی جس کی وجہ سے ان دونوں کے درمیان دوستی ہو گئی اور دونوں نے ایک دوسرے سے شادی کا فیصلہ کر لیا اور ایک سال بعد ایک دوسرے سے شادی کر لی- شادی کے چھ سال بعد ایک خوشگوار انکشاف شادی کے چھ سالوں کے بعد ایک دن مسٹر یی اپنی اور اپنی بیوی کی شادی سے قبل کی تصاویر دیکھ رہے تھے تو وہ یہ دیکھ کر حیران رہ گئے کہ ان دونوں کی پہلی ملاقات سال 2011 میں پہلی بار نہیں ہوئی تھی بلکہ وہ سال 2000 میں ایک دوسرے سے پہلی بار اس وقت ملے تھے جب کہ ان کی عمر بہت کم تھی ۔ یہ ملاقات اس حوالے سے بہت منفرد تھی کہ مس ژوئی کی چین کے ایک تفریحی مقام کنگ ڈاؤ پر کھینچی گئی تصویر میں پیچھے پس منظر میں کھڑا ہوا شخص کوئی اور نہیں بلکہ ان کا موجودہ شوہر تھا۔ مگر اس وقت یہ دونوں ایک دوسرے کے لیے اجنبی تھے- اور اس طرح قدرت نے ان دونوں کو ایک دوسرے سے ملوانے کا فیصلہ سالوں پہلے ہی قدرت نے کر لیا تھا اسی وجہ سے دونوں کو ایک فریم میں نہ صرف تصویر میں قید کر لیا تھا- بلکہ حقیقی زندگی میں بھی ان کے مشترکہ دوستوں کو بہانہ بنا کر ایسا موقع فراہم کیا کہ وہ نہ صرف ایک دوسرے سے مل سکیں بلکہ شادی کے بندھن میں بھی بندھ جائيں- سوشل میڈیا پر وائرل شادی سے گیارہ سال قبل کے اس حسین اتفاق کی تصاویر مسٹر یی نے جب سوشل میڈیا پر شئیر کیں تو یہ پوسٹ دنیا بھر میں وائرل ہوگئی اور اس موقع پر ایسے بہت سارے شادی شدہ جوڑوں نے ایسے ہی اتفاقات شئير کیے جیسے اتفاق کا سامنا اس جوڑے کو کرنا پڑا- ایک خاتون کا کمنٹ میں کہنا تھا کہ ان کے شوہر کے پاس ان کی ایک تصویر شادی سے قبل کی اس وقت کی تھی جب کہ وہ اپنی کالج کی دوستوں کے ساتھ کسی کانسرٹ میں گئی تھیں اور ان کے شوہر نے نجانے کب سے ان کی یہ تصویر سنبھال کر رکھی تھی- جب کہ کچھ صارف کا یہ بھی خیال تھا کہ اس اتفاق کا ایک اور حسین پہلو یہ بھی تھا کہ ان دونوں نے ایک ہی جگہ پر ایک ہی انداز میں ایک ہی وقت میں تصویر بھی لی جو کہ دونوں کے پاس محفوظ بھی تھی- بیشک دنیا میں جو کچھ ہوتا ہے اس کو کرنے والی کوئی ایسی ذات ضرور ہے جو کہ سب کچھ پلان کرتا ہے اور وہی خدا ہے-