ہمیں پہل کرنے والے اسی شخص کی تلاش ہے۔کہا جاتا ہے کہ لان کا آغاز مکان کے ساتھ ہی بے ضرر جانوروں کی افزائش کے لئے جگہ بنانے سے 1540ء کی دہائی میں ہوا۔جبکہ لفظ ”لان“ کا استعمال پہلی مرتبہ 16ویں صدی میں ہوا۔ایک طرف انسان جہاں جدید ترین رہائشی سہولتوں کے استعمال کی جانب بڑھ رہا تھا وہیں نیچر کے بھی قریب تر رہنے کی خواہش بھی پوری کرتا رہا۔ یہ بات تسلیم شدہ ہے کہ اچھے سے اچھے لان کی تیاری میں برطانوی باشندوں نے انتھک محنت کی۔ برٹش ہارٹی کلچر کا سب سے اہم پہلو لان ہیں۔اچھی لینڈ سکیپنگ لان کے حسن کو دوبالا کر دیتی ہے۔بہت کچھ پڑھنے کے بعد ہمیں معلوم ہوا کہ 18ویں صدی میں لان گھروں کا لازمی حصہ بننے شروع ہوئے ان کا آغاز کس نے کیا،تاریخ یہ بتانے سے قاصر ہے۔اس زمانے میں بڑے بڑے لانز میں جانوروں کی افزائش کی جانے لگی۔بھیڑ،بکری اور نجانے اس قسم کے کون کون سے معصوم جانور بھی رکھے جانے لگے۔ہرن بھی لان کی زینت بنتے تھے۔ لیکن ان کا گھروں میں داخلہ بند تھا۔