پھٹی ایڑیاں نہ صرف شرمندگی سے دو چار کرنے والی بلکہ ہمہ وقت ایک تکلیف بھری بے سکونی میں مبتلا کیے رکھنے والی پریشان کن صورتحال کا نام ہے۔یہ مردوں کے مقابلے میں عورتوں کو آسانی سے اپنا شکار بنا لیا کرتی ہے۔اس کی وجہ شاید خواتین کا زیادہ تر کھلے منہ کے جوتے‘ سینڈلز اور چپلوں کا استعما ل کرنا ہے جبکہ مردوں کی اکثریت موزے اور بند منہ کے جوتے پہنا پسند کرتے ہیں۔ اسی لئے ان کے پیر دھول مٹی گرد و غبار سے بھی محفوظ رہتے ہیں اور پیروں کی ایڑیاں خشک ہو کر تڑخنے سے بھی بچی رہتی ہیں۔ ایڑیوں کے پھٹنے کے اہم اسباب وہ افراد جن کی جلد قدرتی طور پر خشک ہو اور وہ اپنی جلد بالخصوص پیروں کی جلد کو صاف ستھرا رکھنے اور اسے ضروری نمی و تروتازگی پہنچانے کے لئے عملی قدم یا اسکن کیئر ٹریٹمنٹ سے استفادہ حاصل نہ کرتے ہوں‘ایسے افراد پھٹی ایڑیوں کی پریشانی میں زیادہ مبتلا ہوا کرتے ہیں۔ اس کے علاوہ مختلف جلدی بیماریوں جیسے کہ ایگزیما یا سواراسس (Psoriasis) میں مبتلا افراد کو بھی ایڑیوں کے پھٹنے کی پریشانی کا سامنا کرنا پڑ سکتا ہے۔ فنگل انفیکشن کی پریشانی میں مبتلا افراد کے تلوؤں کی جلد کو سوجا کر پھولانے اور ایڑیوں کے پھٹنے کا اہم محرک ثابت ہو سکتا ہے۔ کیراٹوڈرمس (Keratodermas) یہ وہ جلدی بیماری ہے جس میں پیروں کی جلد اور تلووں کی کھال سخت ہو کر پھول جاتی ہے۔ (ہاتھ کی ہتھیلیوں کی جلد بھی)یہ دراصل ایک جنیاتی یا موروثی بیماری ہے جس کا علاج (حالت کے شدید ہو جانے پر)ذہنی ادویات کی مدد سے کیا جاتا ہے۔ کیا کرنا چاہیے