02:52 pm
ایران کا پاکستان سے مل کر عالم اسلام کے مسائل حل کرنے کی ضرورت پر زور

ایران کا پاکستان سے مل کر عالم اسلام کے مسائل حل کرنے کی ضرورت پر زور

02:52 pm

اسلام آباد(آن لائن)ایران اور پاکستان مل کر استعماری پابندیوں اور دھمکیوں کا مقابلہ کرسکتے ہیں۔دونوں ملکوں کے پاس اتنے وسائل ہیں کہ وہ باہمی تجارت سے اپنے بہت سے مسائل کو حل کرسکتے ہیں یہ بات پاکستان میں سبکدوش ہونے والے ایرانی سفیر مہدی ہنردوست نے ملی یکجہتی کونسل کے ایک وفد سے اپنی الوداعی ملاقات میں کہی۔وفد میں کونسل کے سیکریٹری جنرل لیاقت بلوچ اور ڈپٹی سیکریٹری جنرل سید ثاقب اکبر شامل تھے۔
ملاقات میں کونسل کے سیکریٹری جنرل لیاقت بلوچ نے ایران کے سبکدوش ہونے والے سفیر مہدی ہنردوست کی تعنیاتی کے دوران دونوں ممالک کے مابین دوطرفہ تعلقات کو بہتر بنانے کے حوالے سے کردار کو سراہا انہوں نے کشمیر کے مسئلے پر ایرانی قیادت کی طرف سے کشمیر کی مظلوم عوام کی حمایت پر ان کا شکریہ ادا کیا۔ طرفین نے اس امر پر اتفاق کیا کہ عالم اسلام کے اتحاد سے کشمیراور فلسطین جیسے دیرینہ مسائل حل ہوسکتے ہیں